ވައިޓް ހައުސް އިމާރާތުގެ ސަރަހައްދަށް ވަނުން މަނާކުރައްވާނެ ކަމަށް ރައީސް ޑޮނަލްޑް ޓްރަމްޕް އިއުލާނު ކުރެއްވުމާ ގުޅިގެން، ގާނޫނުއަސާސީން ލިބިދޭ ހައްގުތައް ހިމާޔަތްކުރުމަށް އެމްއެސް ނައު، ސީއެންއެން އަދި ޕޮލިޓިކޯ އިން ޓްރަމްޕްގެ ސަރުކާރާ ދެކޮޅަށް ދައުވާ ކުރަމުންދާ ކަން ހާމަކޮށްފިއެވެ.
މި ތިން ނޫސް އިދާރާއިން ޔޫ.އެސް ޑިސްޓްރިކްޓް ކޯޓް ފޯ ދަ ޑިސްޓްރިކްޓް އޮފް ކޮލަމްބިއާ އަށް މައްސަލަ ހުށަހަޅާކަން ސަރުކާރަށް އަންގާފައިވާއިރު، މި ހަފުތާގެ ތެރޭގައި މި މައްސަލައިގެ ކުއްލި އަޑުއެހުންތަކެއް ބޭއްވިދާނެ ކަމަށް ވަނީ ބުނެފައެވެ. ނަމަވެސް މިކަމާ ގުޅޭގޮތުން ވައިޓް ހައުސް އިން އަދި ވަކި އެއްޗެއް ހާމަކޮށްފައެއް ނުވެއެވެ.
