މާލޭގެ ގެސްޓުހައުސްއެއްގައި މަސްތުވާތަކެތީގެ ވިޔަފާރިކުރާ ކަމުގެ ތުހުމަތުގައި ބަންގްލަދޭޝްގެ ނުވަ ފިރިހެނަކު ފުލުހުން ހައްޔަރުކޮށްފިއެވެ.
މި މީހުން ހައްޔަރުކޮށްފައިވަނީ ޑްރަގް އެންފޯސްމަންޓާއި ކައުންޓަރ ނާކޮޓިކްސް އިންޓެލިޖެންސް ގުޅިގެން މި ސެޕްޓެމްބަރު މަހުގެ 1 ވަނަ ދުވަހު ހިންގި ޚާއްޞަ އޮޕަރޭޝަނެއްގައި، މާލޭގެ ގެސްޓުހައުސްއެއް ބަލައިފާސްކުރުމަށްފަހުއެވެ. އެ ސަރަޙައްދު ބަލައިފާސްކުރިއިރު މަސްތުވާތަކެތި ކަމަށް ޝައްކުކުރެވޭ ތަކެތި ވަނީ ފެނިފައެވެ.
މި މައްސަލައިގައި ހައްޔަރުކުރި ބަންގްލަދޭޝްގެ 9 މީހުންނަކީ:
- ތޯހިދުލް އިސްލާމް (35އ)
- މޮނީރް ބެޕާރީ (37އ)
- ޖަކިރް މުންޝި (46އ)
- އެމް.ޑީ އަބު ޒަބެރް ޕްރަމަނިކު (37އ)
- އެމް.ޑީ އުސްމާން (23އ)
- މޮހައްމަދު ބަބްލޫ އަލީ (34އ)
- އެމް.ޑީ ރައިހާން (32އ)
- އަފްރަނުލް ހޮގް އާޝިކު (34އ)
- މުޙައްމަދު ރަކިބް ހޮސެއިން (30އ)
މި މައްސަލައާ ގުޅިގެން ފުރިހަމަކުރަންޖެހޭ ޤާނޫނީ އިޖުރާއަތްތައް ފުރިހަމަކުރުމަށްފަހު، އެ މީހުން ރާއްޖެއިން ޑީޕޯޓްކޮށްލުމަށްޓަކައި މިހާރު ވަނީ މޯލްޑިވްސް އިމިގްރޭޝަނާ ހަވާލުކޮށްފައެވެ. ފުލުހުން ދަނީ މި މައްސަލަ އިތުރަށް ތަޙުޤީޤުކުރަމުންނެވެ.
