ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު އިން ބުނެފައިވަނީ، ސަރުކާރު ހިއްސާވާ ކުންފުނިތަކުގެ ބޯޑުތަކަށް މެންބަރުން އައްޔަނުކުރުމުގެ ގާނޫނީ ބާރުގެ ދަށުން ފާއިޒް މިފްކޯގެ އިސް މަގާމަށް ހަމަޖައްސަވާފައިވާ ކަމަށެވެ.
ފާއިޒަކީ ސަރުކާރު ކުންފުނިތަކުގެ ހިންގުމުގައި ގިނަ ދުވަސްތަކެއްވަންދެން ތަޖުރިބާ ހޯއްދަވާފައިވާ ބޭފުޅެކެވެ. މިފްކޯގެ ޗެއަރމަންކަމާ ހަވާލުވެވަޑައިގަތުމުގެ ކުރިން އޭނާ ހުންނެވީ މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން ގެ ބޯޑުގެ ޗެއާމަންގެ މަގާމުގައެވެ.
މިފްކޯގެ ހިންގުން ހަރުދަނާކޮށް، އެ ކުންފުންޏަކީ އަމިއްލަ ފައިމައްޗަށް ތެދުވެފައިވާ ފައިދާ ކުރުވަނި ކުންފުންޏަކަށް ހެދުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ޚާއްޞަ އިޞްލާޙީ ބަދަލުތަކެއް ގެންނަވަމުންދާ ދަނޑިވަޅެއްގައި، މިފްކޯގެ ހިންގުން އިތުރަށް ހަރުދަނާކުރުމުގެ މަޤްޞަދުގައި ފާއިޒު ވަނީ މި މަޤާމަށް ހަމަޖައްސަވާފައެވެ.
