މާލޭގެ ބިސްބުރު ކައިރި ހުންނަ "ބްލޫ ސެވަން" ރެސްޓޯރެންޓުގައި މިއަދު މެންދުރުފަހު ހިނގި އަލިފާނުގެ ހާދިސާ އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވެ ކާމިޔާބުކަމާއެކު ނިއްވާލައިފިއެވެ.
މި ހާދިސާގެ ރިޕޯޓު މިއަދު މެންދުރުފަހު 14:48 ހާއިރު ލިބުމާއެކު، މާލޭ ފަޔަރ ސްޓޭޝަނުގެ ފަޔަރފައިޓަރުން ވަނީ ވަގުތުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ފަށާފައެވެ. އަދި ފަޔަރފައިޓަރުން ކުރި މަސައްކަތުން 14:58 ހާއިރު ވަނީ އަލިފާންގަނޑު އެއްކޮށް ނިއްވާލާފައެވެ.
Advertisement
މި އަލިފާނުގެ ހާދިސާ ހިނގަން މެދުވެރިވީ ރެސްޓޯރެންޓުގައި ހުރި އަޅިކެނޑިއެއްގައި ރޯވެގެން ކަމަށް ބެލެވޭއިރު، މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.