ރާއްޖޭގެ 61 ވަނަ މިނިވަން ދުވަހާ ގުޅިގެން "މިނިވަން ރަން" ނަމުގައި ދުވުމެއް އިއްޔެ ބާއްވައިފިއެވެ.
ހުޅުމާލޭ ފޭސް 2 ގައި މިއަދު ހަވީރު ކުރިއަށްގެންދިޔަ "މިނިވަން ރަން" ފަށްޓަވައިދެއްވީ ފަންނާއި ސަގާފަތާއި ތަރިކައާ ބެހޭ ވަޒީރު ހީނާ ވަލީދުއެވެ. މިނިވަން ރަންގައި ބައިވެރިވެ 5 ކިލޯމީޓަރުގެ ދުވުން ނިންމި ކޮންމެ ބައިވެރިއަކަށް، މިނިވަން ރަންއާ ގުޅޭ ޚާއްޞަ ބެޖެއް ދީފައިވެއެވެ. މި ބެޖު އެފަރާތްތަކަށް ހަވާލުކޮށްދެއްވީ ވަޒީރާއި ވީރަން މޯލްޑިވްސްގެ ފަރާތުންނެވެ.
ފަންނާއި ސަގާފަތާއި ތަރިކައާ ބެހޭ ވުޒާރާއާއި ވީރަން މޯލްޑިވްސް ގުޅިގެން ހުޅުމާލެ ފޭސް 2 ގެ ފެމިލީ ރޫމް ހުރި ސަރަހައްދުން ފެށި މި ދުވުމަކީ 5 ކިލޯމީޓަރުގެ ދުވުމެކެވެ.
ފަންނާއި ސަގާފަތާއި ތަރިކައާ ބެހޭ ވުޒާރާއިން ބުނީ މިއީ މިނިވަންކަމުގެ އުފާ ފާޅުކުރުމުގެ ގޮތުންނާއި، ދުޅަހެޔޮ މުޖުތަމަޢެއް ބިނާކުރުމަށްޓަކައި ސަރުކާރާއި އާންމު ފަރާތްތަކާ ގުޅިގެން ފުރިހަމަ ސިއްޙަތަކާއި ހަރަކާތްތެރި ދިރިއުޅުމަކަށް ބާރުއެޅުމުގެ މަޤްޞަދުގައި ކުރިއަށްގެންދިޔަ ހަރަކާތެއް ކަމަށެވެ.
