ކަނޑުމަގުން ރާއްޖެ އެތެރެކުރަން އުޅުނު 3.1 ކިލޯއަށް ވުރެ ގިނަ މަސްތުވާތަކެތި އަތުލައިގެންފި

ކަނޑުމަގުން ރާއްޖެއަށް އެތެރެކުރަން އުޅުނު 3.1 ކިލޯއަށް ވުރެ ގިނަ މަސްތުވާތަކެތި މޯލްޑިވްސް ކަސްޓަމްސް ސަރވިސް އިން އަތުލައިގެންފިއެވެ. ކަސްޓަމްސް އިން ބުނީ މާލޭ ވިޔަފާރި ބަނދަރުން، ކަނޑުމަގުން ރާއްޖެއެތެރެކުރަން އުޅުނު 3.1 ކިލޯއަށްވުރެ ގިނަ މަސްތުވާތަކެތި އަތުލައިގެންފައިވާ ކަމަށެވެ.

2026 ޖުލައި 23 ވަނަ ދުވަހު ކަނޑުމަގުން ރާއްޖެއެތެރެކުރަން އުޅުނު 3.1 ކިލޯއަށްވުރެ ގިނަ މަސްތުވާތަކެތި ކަސްޓަމްސްއިން އަތުލައިގެންފި. 🔹ބާވަތް: ސިންތެޓިކް ކެތިނޯން 🔹 ބަރުދަން: 3،110 ގްރާމް 🔹ޖުމްލަ މަަގުމަތީއަގު: 5.6 މިލިއަން ދިވެހި ރުފިޔާއަށް ވުރެ އިތުރު pic.twitter.com/VufDabDkOD

— Maldives Customs Service (@CustomsMv) July 23, 2026

އަދި މިތަކެތި އަތުލައިގަނެފައިވަނީ، 23 ޖުލައި 2026 ވަނަ ދުވަހު ކަމަށާއި، އަތުލައިގެންފައިވަނީ 3،110 ގްރާމް ސިންތެޓިކް ކެތިނޯން ކަމަށް ކަސްޓަމްސް އިން ހާމަކުރެއެވެ. މި ތަކެތީގެ މަގުމަތީ އަގު 5.6 މިލިއަން ދިވެހި ރުފިޔާ އަށް އަރާ ކަމަށްވެސް ކަސްޓަމްސް އިން ވަނީ ލަފާކޮށްފައެވެ.