ދުނިޔޭގެ ފުޓްބޯޅައިގެ މައި އިދާރާ، ފީފާ އިން ނޭޕާލްގެ ފުޓްބޯޅަ އެސޯސިއޭޝަން (އޭއެންއެފްއޭ) ބައިނަލްއަގުވާމީ ފުޓްބޯޅައިން ސަސްޕެންޑްކޮށްފިއެވެ.
މި ނިންމުމާއެކު އެ ގައުމުގެ ގައުމީ ޓީމުތަކަށާއި ކްލަބުތަކަށް ބައިނަލްއަގުވާމީ ހުރިހާ މުބާރާތްތަކަކުން ވާދަކުރުމުގެ ފުރުސަތު މިހާރު ވަނީ ބަންދުވެފައެވެ.އަދި މި ސަސްޕެންޝަނުގެ ސަބަބުން މުބާރާތްތަކުން ފުރުސަތު ގެއްލުމުގެ އިތުރުން، ފީފާއިން ނޭޕާލްގެ ފުޓްބޯޅަ ކުރިއެރުވުމަށްދޭ މާލީ އަދި ފަންނީ ހުރިހާ އެހީތެރިކަމެއްވެސް ވަނީ ވަގުތުން ހުއްޓުމަކަށް އައިސްފައެވެ.
އާންމުގޮތެއްގައި ފީފާއިން މިފަދަ ހަރުކަށި ފިޔަވަޅުތައް އަޅަނީ އެސޯސިއޭޝަނުގެ ހިންގުމުގެ ތެރެއަށް ސަރުކާރުން ނުވަތަ ތިންވަނަ ފަރާތަކުން އަތްބާނާކަން ފާހަގަކުރެވުމުން ނުވަތަ އެތެރޭގެ ކޮރަޕްޝަނުގެ މައްސަލަތައް ބޮޑުވުމުންނެވެ. މި ފިޔަވަޅު އަނބުރާ ގެންދާނީ ފީފާގެ ގަވާއިދުތަކާ އެއްގޮތަށް އޭއެންއެފްއޭގެ ކަންކަން އިސްލާހުކޮށް، މިނިވަންކަމާއެކު ހިންގަން ފެށުމުންނެވެ.
