ބޮޑުތަކުރުފާނު މަގު ހެދުމުގެ މަސައްކަތް ކުރިއަށްދާތީ، ޓްރެފިކް ތޮއްޖެހުން ކުޑަކުރުމަށާއި ދުއްވާ ފަރާތްތަކަށް ފަސޭހަ ކޮށްދިނުމުގެ ގޮތުން ޗާންދަނީމަގާއި ބޮޑުތަކުރުފާނު މަގު ގުޅޭ ސަރަހައްދު ވަގުތީ ގޮތުން ދެކޮޅަށް ދުއްވޭ ގޮތަށް މާލޭ ސިޓީ ކައުންސިލުން ބަދަލުކޮށްފިއެވެ.
ސިޓީ ކައުންސިލުން މި ބަދަލު ގެނެސްފައިވަނީ ބޮޑުތަކުރުފާނު މަގު ފުޅާކޮށް، އިތުރަށް ތަރައްގީ ކުރުމަށް ކުރިއަށްދާ މަޝްރޫއުގެ ސަބަބުން މަގު ބަންދުކުރަން ޖެހުމާ ގުޅިގެންނެވެ. އެގޮތުން މިހާރު އަމަލީ މަސައްކަތް ކުރިއަށްދަނީ ރަސްމީ ފާލަމުން ފެށިގެން ކުރީގެ ނަސަންދުރާ ހުރި ސަރަހައްދާ ހަމައަށެވެ.
