މިދިޔަ މަހު 231 މީހަކަށް ތެރަޕީގެ ފާރުވާއަށް 7.5 މިލިޔަން ރުފިޔާ ޚަރަދުކޮށްފި

ނުކުޅެދުންތެރިކަން ހުންނަ ފަރާތްތަކަށް ބޭނުންވާ ތެރަޕީގެ ފަރުވާތަކަށް 231 މީހަކަށް މިދިޔަ މަހު 7.5 މިލިޔަނަށްވުރެ ގިނަ ރުފިޔާ ޚަރަދުކޮށްފަވާކަމަށް ނެޝަނަލް ސޯޝަލް ޕްރޮޓެކްޝަން އެޖެންސީ އެންސްޕާއިން ހާމަކޮށްފިއެވެ. ޑިސެމްބަރު މަހު، ޖުމުލަ 231 މީހުންނަށް، ތެރަޕީގެ އެކި ފަރވާތަކަށް ބޭނުންވާ އެހީތެރިކަން ސަރުކާރުން ވަނީ ފޯރުކޮށްދީފައެވެ. އޭގެތެރޭގައި ހިމެނެނީ 159 ފިރިހެނުންނާއި 72 އަންހެނުންނެވެ.

ޑިސެންބަރު 2025 ގައި ނުކުޅެދުންތެރިކަން ހުންނަ ފަރާތްތަކަށް ބޭނުންވާ ތެރަޕިއުޓިކް ފަރުވާއަށް ޚަރަދު ކުރެވިފައިވާ ގޮތުގެ ތަފްސީލް. (ތެރަޕީގެ ބާވަތުން) ޑިސެންބަރު 2025 pic.twitter.com/2VKHS84riC

— NSPA (@NSPAmaldives) January 18, 2026

އެންމެ ގިނަ އަދަދަކަށް ތެރަޕީ ނަގާފަވަނީ 18 އަހަރުން ދަށުގެ ކުޑަކުދިންނެވެ. އެގޮތުން މި އުމުރުފުރާގެ 221 ކުދިންނަށް އެކި ކަހަލަ ތެރަޕީތައް ދީފަވާއިރު، އެއީ 156 ފިރިހެން ކުދިންނާއި 65 އަންހެން ކުދިންނެވެ. އުމުރުން 18-64 އަހަރާ ދެމެދުގެ 10 މީހަކަށް ތެރަޕީ ނެގުމަށް ވަނީ އެހީތެރިކަން ދީފައެވެ.

ޑިސެންބަރު 2025 ގައި ނުކުޅެދުންތެރިކަން ހުންނަ ފަރާތްތަކަށް ބޭނުންވާ ތެރަޕިއުޓިކް ފަރުވާ ހަމަޖައްސާ ދެވިފައިވާ ގޮތުގް ތަފްސީލް (އުމުރުފުރައިން) ޑިސެންބަރު 2025 pic.twitter.com/TsPeD2b0Bf

— NSPA (@NSPAmaldives) January 18, 2026

ނުކުޅެދުންތެރިކަން ހުންނަ ފަރާތްތަކަށް ބޭނުންވާ ތެރަޕިއުޓިކް ފަރުވާއަށް ޖުމުލަ 7.6 މިލިޔަން ރުފިޔާ އެންސްޕާއިން ޚަރަދުކޮށްފަވެއެވެ. ވަކިވަކި ތަރްޕީތަކަށް ބަލާއިރު، އެންމެ ބޮޑު ޚަރަދެއް ޑިސެމްބަރު މަހު ކޮށްފަވަނީ އޮކިއުޕޭޝަނަލް ތެރަޕީއަށެވެ. ތެރަޕީގެ ޚިދުމަތް މުޅި ރާއްޖެއަށް ފުޅާކުރުމުގެ ބޮޑު މަޝްރޫޢުއެއް ސަރުކާރުން ވަނީ ފަށާފައެވެ. ފުޅާކުރަމުންނެވެ.