ވެލާނާ އިންޓަނޭޝަނަލް އެއާޕޯޓުން (ވީއައިއޭ) އިއްޔެ ލައްކައެއްހާ ޑޮލަރު ފޭރިގަތް ބޮޑު މައްސަލައާ ގުޅިގެން، ފުލުހުން ކ. ހުރާގައި ބޮޑު އޮޕަރޭޝަނެއް ފަށައިފިއެވެ. އިއްޔެ ފަތިހު ހިންގި މި ވައްކަމާ ގުޅިގެން މިހާތަނަށް ހަތަރު މީހަކު ހައްޔަރުކޮށްފައިވާއިރު، ފިލަން ބޭނުންކުރި ލޯންޗު ވެސް ވަނީ ހިފަހައްޓާފައެވެ.
މޫނު ނިވާކޮށްގެން ތިބި ބަޔަކު ހިންގި މި ވައްކަން ހިންގާފައިވަނީ އިއްޔެ ފަތިހު 4:45 އެހާކަށްހާއިރުގައެވެ. ވައްކަމަށްފަހު ފޭރިގަތް ޑޮލަރު ހުރި ސޫޓްކޭސްތަކާއެކު އެ މީހުން ޓެކްސީއެއްގައި އެއާޕޯޓަށް ގޮސް، ލޯންޗެއްގައި ފިލާފައިވާ ކަމަށް މައުލޫމާތު ލިބެއެވެ. މި ވައްކަމުގެ ހާދިސާ އާންމުންގެ ގިނަ ބަޔަކަށް ވަނީ ހައިރާންކަން ގެނެސްފައެވެ.
ހުރާއިން ލިބުނު އިތުބާރު ހުރި މައުލޫމާތުތަކަށް ބަލާއިރު، ފޭރުނު މީހުން ފިލަން އައީ އެ ރަށަށް ކަމަށް ބެލެވޭތީ، ފުލުހުން ވަނީ އެ ރަށު ބަނދަރުގައި އަޅާފައި އޮތް ލޯންޗު ހިފަހައްޓާފައެވެ. އަދި ނަން ހާމަކުރަން ބޭނުން ނުވާ އެ ރަށުގައި ދިރިއުޅޭ މީހަކު ބުނެފައިވާ ގޮތުގައި، އެ ރަށުގެ ގެސްޓުހައުސްއެއްގެ ވެރިއަކު ވަނީ އެ ތަނަށް އިއްޔެ އައި ބަޔަކު ގިނަ އަދަދެއްގެ ޑޮލަރުތަކެއް ގެންގުޅޭ މަންޒަރު ސީސީޓީވީއަށް އަރާފައިވާ ކަމަށް ބުނެފައެވެ. ފުލުހުން އަންނަނީ މި މައްސަލަ ތަހުގީގު ކުރުމަށް އެ ރަށުގައި ހަރަކާތްތެރިވަމުންނެވެ.
ވައްކަން ކުރި ފައިސާއަކީ ބޭންކް އޮފް މޯލްޑިވްސް (ބީއެމްއެލް) ގެ ކައުންޓަރަށް ގެންދިޔަ، ފުރާ މީހުންނަށް ދޫކުރާނެ އަދި ފައިސާ މާރުކުރަން ބޭނުންކުރާ ފައިސާ ކަމަށް ވަނީ އެނގިފައެވެ. ގެއްލުނު ފައިސާގެ އަދަދު ސީދާކޮށް އަދި ހާމައެއް ނުކުރެއެވެ. ނަމަވެސް، މައުލޫމާތު ލިބޭ ގޮތުގައި އެއީ ގާތްގަނޑަކަށް ލައްކައެއްހާ ޑޮލަރާއި އިތުރު ކަރަންސީތައް (ޔޫރޯ ވެސް ހިމެނޭ) އެވެ.
މި މައްސަލައާ ގުޅިގެން ހަތަރު މީހުން ހައްޔަރުކޮށްފައިވާއިރު، ފުލުހުން އަދިވެސް އެމީހުންގެ ވަނަވަރު އާންމުކޮށްފައެއް ނުވެއެވެ. އަދި ފުލުހުންގެ މީޑިއާ އޮފިޝަލް ވިދާޅުވީ، އިއްޔެ އެއާޕޯޓްގައި ހިންގި ވައްކަމުގެ މައްސަލައިގެ އިތުރު އެއްވެސް އަދާހަމައެއް މިވަގުތަށް ދެވެން ނެތް ކަމަށެވެ. ބީއެމްއެލް އިން ވެސް މި މައްސަލައާ ގުޅިގެން މިހާތަނަށް އެއްވެސް ޖަވާބެއް ދީފައެއް ނުވެއެވެ.
މިފަދަ ބޮޑު ވައްކަމެއް އެއާޕޯޓުގައި ހިންގާފައިވާއިރު، އެމްއޭސީއެލް އިން ވަނީ އެސްޓޭޓް ސެކިއުރިޓީގެ ނަމުގައި އާ ޑިޕާޓްމަންޓެއް ގާއިމުކޮށްފައެވެ. މި ޑިޕާޓްމަންޓް ގާއިމުކުރެވުނީ ޕާކިން ސަރަހައްދުތަކާއި، ޖެޓީ ސަރަހައްދުތަކާއި، ޓެކްސީ ކިއުތަކުގެ އިތުރުން ހުޅުލޭގެ ސަލާމަތާއި ރައްކާތެރިކަން ބެލެހެއްޓުމަށެވެ. އެއާޕޯޓު ސެކިއުރިޓީ ބެލެހެއްޓުމުގައި އޭވިއޭޝަން ސެކިއުރިޓީ ކޮމާންޑުގެ އޮފިސަރުންނާއި، ސިފައިންނާއި ފުލުހުންގެ އެހީތެރިކަން ވެސް ލިބެމުންދެއެވެ.
