މަލްޓާ އަދި އަރްމީނިއާގެ މިނިވަން ދުވަހުގެ މުނާސަބަތުގައި އެޤައުމުގެ ޚާރިޖީ ވަޒީރަށް ދިވެހިރާއްޖޭގެ ޚާރިޖީ ވަޒީރު، ޑޮކްޓަރ ޢަބްދުﷲ ޚަލީލް، ތަހުނިޔާގެ މެސެޖެއް ފޮނުއްވައިފި އެވެ.
އެދެބޭފުޅުންނަށް ވަކިވަކިން ޚާރިޖީ ވަޒީރު ޑރ. އަބުދުﷲ ޚަލީލް ފޮނުއްވި މެސެޖުގައި ދިވެހި ސަރުކާރާއި ދިވެހި ރައްޔިތުންގެ ނަމުގައި، ދެޤައުމުގެ ސަރުކާރަށާއި ރައްޔިތުންނަށް މިނިވަން ދުވަހުގެ ތަހުނިޔާ އާއި ހެޔޮއެދުންތައްފޮނުއްވިއެވެ.
ދިވެހިރާއްޖެ އާއި އަރްމީނިއާ އަދި މަލްޓާއާ ދެމެދުގައި ގާއިމުވެފައިވާ ގުޅުން ކުރިއަށް އޮތްތާނގައި އިތުރަށް ބަދަހިވެގެންދާނެ ކަމަށް އަޅުގަނޑު އުންމީދުކުރާކަމަށް ވެސް ވިދާޅުވިއެވެ.
