ކައުންސިލުން، މި ކަމަށް ޢަމަލުކުރުމަށް ނިންމީ، ބުދަ ދުވަހު ބޭއްވުނު ކައުންސިލްގެ 4 ވަނަ ދައުރުގެ 211 ވަނަ ޖަލްސާގައެވެ.
މާލޭގެ މަގުތަކުން ޕާކިން ސްލޮޓްތައް އިތުރަށް ކުއްޔަށް ނުދެވޭނެ ކަމަށް އަންގައި ޓްރާންސްޕޯޓް މިނިސްޓްރީން ކައުންސިލަށް ވަނީ ސިޓީއެއް ފޮނުވާފައެވެ. އެ ސިޓީގައި، ޖުމްލަކޮށް ބުނެފައިވަނީ، މާލޭގެ މަގުތަކުން ތަންތަން ކުއްޔަށް ދިނުމަކީ، ގާނޫނީ ގޮތުން ކުރެވޭނެ ކަމެއް ނޫން ކަމަށް އެޓާނީ ޖެނަރަލް ލަފާ ދެއްވާފައިވާ ކަމަށެވެ.
މޭޔަރ ކުރިން ވިދާޅުވީ، މިކަމާ ގުޅޭ ގޮތުން ޓްރާންޕޯޓް މިނިސްޓްރީއާ މަޝްވަރާކުރައްވާނެކަމަށެވެ. އަދި މަގުތަކުގައި ހުރި ޕާކިންއަށް ގޮތެއް ހޯދުމަށް މަސައްކަތް ކުރައްވާނެ ކަމަށެވެ.
