ބިންވެރިޔާ ސްކީމްގެ ދަށުން ގުޅިފަޅުން ދޫކުރާ ގޯތިތަކުގެ ބިންތައް ހަވާލުކުރަން ފަށައިފިއެވެ.
ހައުސިން މިނިސްޓަރު އަބްދުލް މުއްތަލިބު ރޭ އެކްސްގައި ކުރެއްވި ޕޯސްޓެއްގައި ވަނީ އިއްޔެ އެ މަސައްކަތް ފަށާފައިވާކަން އިއުލާނުކޮށްފައެވެ.
މިނިސްޓަރު ވިދާޅުވީ މިވަގުތު ކޮންޓްރެކްޓަރުން ވަގުތީ ކޮންސްޓްރަކްޝަން ސައިޓްތަކެއްގެ ގޮތުގައި ބޭނުންކުރަމުންދާ ބިންތައް، އެ ސައިޓްތައް ހުސްކުރުމުން ހަވާލުކުރާނެ ކަމަށެވެ.
Today, we began handing over residential land plots in Gulhifalhu to recipients under the Binveriya Scheme. Land plots currently occupied as temporary construction sites will be handed over once they are vacated by the contractors. pic.twitter.com/y5osgSj1nq
— Abdulla Muththalib (@muththo) September 14, 2025
އެ ސްކީމްގެ ދަށުން ގުޅިފަޅުން ދޫކުރާ ގޯތިތަކުގެ ތެރެއިން 1،200 އަށްވުރެ ގިނަ ގޯތީގެ ރަޖިސްޓްރީ ހައުސިން މިނިސްޓްރީން މިހާރު ވަނީ ދޫކޮށްފައެވެ.
ގުޅިފަޅުގެ ލޭންޑް ޔޫސް ޕްލޭނަށް މިދިޔަ ޖޫން މަހުގެ ދެވަނަ ދުވަހު ގެނައި ބަދަލާ ގުޅިގެން ގުރުއަތު ނެގުމަށް ފަހު، ގޯތި ލިބިފައިވާ މީހުންނަށް ރަޖިސްޓްރީ ދޫކުރުމުގެ މަސައްކަތް ފެށީ ޖޫން މަހުގެ 12 ވަނަ ދުވަހުއެވެ.
ބިންވެރިޔާ ސްކީމްގެދަށުން، ގުޅިފަޅުން ދޫކުރާ ގޯތިތަކުގެ ބިންތައް ސާފުކޮށް، އިންވަކިކުރުމުގެ މަސައްކަތް ފަށާފައިވަނީ 3 ސެޕްޓެންބަރު 2025 ވަނަ ދުވަހުއެވެ.
