ރާއްޖޭގެ އެންމެ ބޮޑު މުވާސަލާތީ ޚިދުމަތްދޭ ކުންފުނި ދިރާގުން އެ ކުންފުނީގެ ޕްރިޕެއިޑް ކަސްޓަމަރުންނަށް ބޮޑު އީދަށް ހާއްސަ އޮފާތަކެއް ތައާރަފުކޮށްފިއެވެ. މި އޮފާތަކަކީ ކުރިއަށް އޮތް ރަމަޟާން މަހާއި ފިޠުރު އީދުގެ މުނާސަބަތުގައި ތައާރަފުކޮށްފައިވާ އޮފާތަކެކެވެ.
ދިރާގުން މިއަދު ނެރުނު ނޫސްބަޔާނެއްގައި ބުނެފައިވަނީ، މި އޮފާތަކާއެކު އެ ކުންފުނީގެ ޕްރިޕެއިޑް ކަސްޓަމަރުންނަށް އަދި އަލަށް ސަބްސްކްރައިބްކުރާ ކަސްޓަމަރުންގެ އެންމެހާ ބްރައުޒިން، ސްޓްރީމިން އަދި ސޯޝަލް މީޑިއާގެ ބޭނުންތަކަށް އިތުރު ޑޭޓާ ލިބިގެންދާނެ ކަމަށެވެ.
މި އޮފާތަކުގެ ދަށުން ތައާރަފުކޮށްފައިވާ ޕެކޭޖުތަކުގެ ތެރޭގައި "ސަޅި މަންތްލީ x2" އާއި "ސަޅި މަންތްލީ x3" ހިމެނެއެވެ. "ސަޅި މަންތްލީ x2" އިން ދުވާލަކު 4ޖީބީ އަދި އިތުރު 30ޖީބީ ބޯނަސް ޑޭޓާ ލިބޭއިރު، "ސަޅި މަންތްލީ x3" އިން ދުވާލަކު 6ޖީބީ އަދި އިތުރު 45ޖީބީ ބޯނަސް ޑޭޓާ ލިބޭނެއެވެ.
މީގެ އިތުރުން "މަންތްލީ 450"، "މަންތްލީ 500" އަދި "މަންތްލީ 600" ގެ ނަމުގައި ތިން ޕެކޭޖެއް ތައާރަފުކޮށްފައިވެއެވެ. މި ޕެކޭޖުތަކުން އިތުރު ބޯނަސް ޑޭޓާއާއެކު 30ޖީބީ އިން ފެށިގެން 50ޖީބީ އަށް ޑޭޓާ ލިބޭނެއެވެ. އަދި "100ޖީބީ 30 ދުވަހަށް" ގެ ނަމުގައި އެޑް-އޮން އެއް ވެސް ތައާރަފުކޮށްފައިވެއެވެ.
ދިރާގުން އިތުރަށް ބުނެފައިވަނީ، މި ހުރިހާ އޮފާތަކެއް ވެސް މި މަހުގެ 10ގެ ކުރިން ދިރާގު ކަސްޓަމަރުންނަށް އެކްޓިވޭޓް ކުރެވޭނެ ކަމަށެވެ. އަދި އަޕްގްރޭޑް ކުރަން ބޭނުންވާ ކަސްޓަމަރުންނަށް ދިރާގު އެޕް މެދުވެރިކޮށް ފަސޭހަ ކަމާއެކު އަޕްގްރޭޑް ކޮށްލެވޭނެ ކަމަށްވެސް ބުންޏެވެ.
ދިރާގަކީ ރާއްޖޭގައި ތަފާތު ގިނަ ޕްރޮމޯޝަންތައް ހިންގައި، ހެޔޮ އަގުގައި ގިނަ އޮފާތަކާއި އަގުހުރި އިނާމުތައް ކަސްޓަމަރުންނާ ހަމައަށް ގެނެސްދެމުން އަންނަ ކުންފުންޏެކެވެ. މި އޮފާތަކަކީ ވެސް ކަސްޓަމަރުންނަށް އިތުރު ފައިދާތަކެއް ލިބިގެންދާނެ އޮފާތަކެއް ކަމަށް ބެލެވެއެވެ.
މި ލިޔުން ކިޔާލުމުން
