ރޯދަ މަހަށް ޚާއްޞަ އައުޓްރީޗް ޕުރޮގުރާމެއް ހިންގައިފި

ރަމަޟާން މަހުގެ ކޮންމެ ހޮނިހިރު ދުވަހަކު އިސްލާމީ ކަންތައްތަކާ ބެހޭ ވުޒާރާއިން ކުރިއަށް ގެންދާ އައުޓްރީޗް ޕުރޮގުރާމު އިއްޔެ ބާއްވައިފިއެވެ. އެ ވުޒާރާއިން ހާމަކޮށްފައިވާ ގޮތުގައި އިސްލާމީ މަރުކަޒުގެ ގޯތިތެރޭގައި ކުރިއަށް ގެންދާ މި ޕްރޮގުރާމުގައި ކުޑަކުދިން ޝައުޤުވެރިވާނެ ފަދަ ހަރަކާތްތަކާއި، ކުޑަކުދިންގެ އެކި ހުށައެޅުންތަކާއި، ދީނީ ޢިލްމުވެރިންނާއި ސުވާލު ކުރުމުގެ ފުރުސަތުވެސް ފަހިކޮށްދީފައިވެއެވެ.

Outreach Program#RoadhaigeRoohu#Ramadan1446 pic.twitter.com/v3tcAqZdMX

— Ministry of Islamic Affairs (@MVIaffairs) March 22, 2025

މިއީ ރަމަޟާން މަހުގެ ދުވަސްތަކުގައި ކުދިންނާއި އާއްމުންނާއި ގާތުން މަސައްކަތްކޮށް، އުފާވެރި މާޙައުލެއް ޤާއިމްކޮށްދިނުމުގެ މަޤުޞަދުގައި ވުޒާރާގެ އެކި ޑިޕާޓްމަންޓުތައް ގުޅިގެން ކުރިއަށް ގެންދާ ހަރަކާތެއް ކަމުގައި އެ ވުޒާރާއިން ބުންޏެވެ.