ވައި ނުސާފުވާ ވަގުތުތަަކުގައި ސަމާލުވުމަށް ހެލްތު ޕްރޮޓެކްޝަން އޭޖެންސީ އެޗްޕީއޭ އިން އިލްތިމާސްކޮށްފިއެވެ.
އެޗްޕީއޭ އިން ބުނީ މެދުމިންގަނޑަކަށް ވައި ނުސާފުވެއްޖެ ނަމަ ނޭވާލާ ނިޒާމުގެ މައްސަލަތައް ޖެހުމުގެ ފުރުސަތު ބޮޑުވެގެން ދާނެ ކަމަށެވެ.
އަދި މިފަދަ ހާލަތްތަކުގައި ނާޒުކު ހާލަތުގައިވާ ފަރާތްތަކުން ބޭރަށް ނިކުމެ އުޅުމުން ދުރުހެލިވުމަށާއި ނޭވާލާ ނިޒާމުގެ މައްސަލަތައް ހުންނަ ފަރާތްތަކުން ބޭރުގައި ކަސްރަތު ކުރުމާއި ކުޅިވަރު ކުޅުން ފަދަ ހަރަކާތްތައް މަޑު ޖައްސާލުމަށް އެޗްޕީއޭއިން އިރުޝާދު ދީފައިވެއެވެ.
https://twitter.com/HPA_MV/status/1889208212702052636
މި ހާލަތްތަކުން ރައްކާތެރިވުމަށް ނުސާފު ވައި ގޭތެރެއަށް ނުވަންނާނެހެން ކުޑަދޮރުތަށް ލެއްޕުމަށާއި، ގޭގައި އެއަރޕިޔުރިފަޔަރ ބޭނުން ކުރުން މުހިއްމު ކަމަށް އެޗްޕީއޭއިން ބުނެފައިވެއެވެ.
އަދި ނޭވާލާ ނިޒާމުގެ މައްސަލަތައް ހުންނަ ފަރާތްތަކުން ބޭރަށް ނުކުންނައިރު މާސްކް އެޅުމަށް އެޗްޕީއޭއިން އިލްތިމާސްކޮށްފައިވެއެވެ.
