ސަރުކާރުގެ ބައެއް ވުޒާރާތައް އެއްކޮށްލައި، ވުޒާރާތަކަށާއި ކެބިނެޓަށް ބައެއް ބަދަލުތައް ގެނެސް، ޢައްޔަނުކުރެވުނު ހަތަރު ވަޒީރުންނަށް ރުހުން ހޯދުމަށް ރައްޔިތުންގެ މަޖިލީހަށް ހުށަހަޅައިފިއެވެ.
މިގޮތުން މަޖިލީހުގެ ދައުރުން ބޭރުން މިއަދު ބޭއްވި ޖަލްސާގައި މި މައްސަލަ ދިރާސާކުރަން ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީއަށް ވަނީ ފޮނުވައިފައެވެ.
މިދިޔަ ޑިސެންބަރު މަހުގެ 26 ވަނަ ދުވަހު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވަނީ ވަޒީރުންގެ މަޖިލީހަށް ބަދަލުތަކެއް ގެންނަވައި، ބައެއް މިނިސްޓްރީތަކުގެ ނަން ބަދަލުކުރައްވައިފިއެވެ.
މިގޮތުން މިނިސްޓަރ އޮފް ފިނޭންސްގެ މަޤާމުގައި ހުންނެވި މޫސާ ޒަމީރު، މިނިސްޓަރ އޮފް ފިނޭންސް އެންޑް ޕްލޭނިންގ ކަމަށް ވަނީ ޢައްޔަނުކުރައްވައިފައެވެ.
މީގެ އިތުރުން ހައުސިންގ މިނިސްޓަރަކަށް ކުރިން ހުންނެވި ޑރ. ޢަލީ ޙައިދަރު އަޙްމަދު ވަނީ މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ މަޤާމަށް ޢައްޔަނުކުރައްވައިފައެވެ.
އަދި ހަޔަރ އެޑިޔުކޭޝަން މިނިސްޓަރުގެ މަޤާމުގައި ކުރިން ހުންނެވި ޑރ. މަރްޔަމް މާރިޔާ ވަނީ މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ކަމަށް ޢައްޔަނުކުރައްވައިފައެވެ.
މީގެ އިތުރުން ކުރިން މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރގެ މަޤާމުގައި ހުންނެވި ޑރ. ޢަބްދުﷲ މުއްޠަލިބް ވަނީ މިނިސްޓަރ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރ ކަމަށް ޢައްޔަނުކުރައްވައިފައެވެ.
މި ލިޔުން ކިޔާލުމުން
