ދައުރުން ބޭރުން ރައްޔިތުން މަޖިލީހުގެ ދެ ޖަލްސާއެއް ބާއްވަން ނިންމަވައިފިއެވެ.
އަންނަ ހަފްތާގައި މި ޖަލްސާތައް ބާއްވަން ނިންމާފައިވާނީ މިނިވަން މުޢައްސަސާތަކަށް މެމްބަރުން އައްކުރުމުގެ މަސައްކަތަށެވެ.
މަޖިލީހުން ވަނީ އިލެކްޝަން ކޮމިޝަން އަދި މޯލްޑިވްސް ބްރޯޑްކާސްޓިން ކޮމިޝަނަށް މެންބަރުން އައްޔަން ކުރުމުގެ މަސައްކަތް ފަށާފައެވެ. އެގޮތުން އެ ދެކޮމިޝަނަށް މެމްބަރުން އައްޔަން ކުރުމަށް ކުރިމަތިލި ބައެއް މެމްބަރުންނާއި ވަނީ އިންޓަވިއުވެސް ކޮށްފައެވެ.
އެ ދެ ކޮމިޝަނުގައި މިވަގުތު ރައީސް ވެސް ނެތެވެ. މިވަގުތު އިލެކްޝަންސް ކޮމިޝަނުގައި ތިއްބެވީ އެންމެ ތިން މެމްބަރުންނެވެ. ބްރޯޑްކާސްޓިން ކޮމިޝަނުގައި ތިއްބެވީ 4 މެމްބަރުންނެވެ.
އިލެކްޝަންސް ކޮމިޝަންގެ މެންބަރު ކަމުގެ މަގާމު ހުސްވާތާ 60 ދުވަހުގެ ތެރޭގައި އެ މަގާމަށް މެންބަރަކު އައްޔަންކުރަން ޖެހޭ އިރު، މަޖިލީހުގެ އަންނަ ދައުރު ނުފެށެނީސް އެ މުއްދަތު ހަމަވާނެއެވެ.
މަޖިލީހުގެ 2024 ވަނަ އަހަރުގެ ފަހު ދައުރު ނިންމާލައި މަޖިލިސް މިހާރު އޮތީ ޗުއްޓީގައެވެ. މަޖިލީހުގެ ގަވާއިދު ބުނާގޮތުން މިއަހަރުގެ ފުރަތަމަ ދައުރު ފެށޭނީ އަންނަ ފެބްރުއަރީ މަހުގެ ފުރަތަމަ ހަފުތާގައެވެ.
މި ލިޔުން ކިޔާލުމުން
