އައު އަހަރު ފާހަގަކުރުމުގެ ގޮތުން ޚާއްޞަ ހަރަކާތްތަކެއް ބާއްވަން ނިންމާފައިވާކަން މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ހާމަކޮށްފިއެވެ.
މިގޮތުން 'މޯލްޑިވްސް ކަލްޗަރ އެންޑް ފުޑް ފެސްޓިވަލް' ގެ ނަމުގައި ޚާއްޞަ ފެސްޓިވަލެއް 31 ޑިސެންބަރު 2024 އިން 1 ޖަނަވަރީ 2025ގެ ނިޔަލަށް ބޭއްވުމަށް ވަނީ ނިންމައިފައެވެ.
މި ފެސްޓިވަލްގެ ތެރެއިން 15 މިނެޓުގެ ޑްރޯން ޝޯއަކާއި ދިވެހި ސަގާފަތް ދައްކާލުމުގެ ހަރަކާތްތަކެއް ކުރިއަށްގެންދިއުމަށް ވަނީ ހަމަޖެހިފައެވެ. އެމްއެމްޕީއާރުސީން ހާމަކޮށްފައިވާ ގޮތުގައި ޑްރޯން ފެސްޓިވަލް ފެށޭނީ ޑިސެންބަރު 31 ވަނަ ދުވަހުގެ ރޭ 21:00 ގައެވެ. އަދި އެ ރޭ 12 ޖަހާއިރު ހަވާ އެރުވުމަށްވެސް ވަނީ ހަމަޖެހިފައެވެ.
މީގެ އިތުރުން، ކަލްޗަރ އެންޑް ފުޑް ފެސްޓިވަލް އަންނަ އަންގާރަ ދުވަހުގެ އިތުރުން ބުދަ ދުވަހުގެވެސް ހަވީރު 4:00 އިން ރޭގަނޑު 10:00 އަށް ކުރިއަށްދާނެއެވެ.
މި ހަރަކާތްތައް ކުރިއަށްދާނީ ހުޅުމާލޭ ސެންޓްރަލް ޕާކުގައެވެ.
މި ލިޔުން ކިޔާލުމުން
