ސަރުކާރުގެ ބައެއް ވުޒާރާތައް އެއްކޮށްލައި، ވުޒާރާތަކަށާއި ކެބިނެޓަށް ބައެއް ބަދަލުތައް ގެނެސްފިއެވެ.
މިގޮތުން ހައުސިންގ މިނިސްޓްރީ އާއި އިންފްރާސްޓްރަކްޗަރ މިނިސްޓްރީ އެއްކޮށްލައި، އެ ވުޒާރާގެ ނަން މިނިސްޓްރީ އޮފް ހައުސިންގ އެންޑް އިންފްރާސްޓްރަކްޗަރ އަށް ވަނީ ބަދަލުކޮށްފައެވެ. މި ވުޒާރާގައި ހުންނަވާނީ މިހާރުވެސް ކެބިނެޓުގައި ހުންނެވި ޑރ. ޢަބްދުﷲ މުއްޠަލިބެވެ.
މީގެ އިތުރުން، ފިނޭންސް މިނިސްޓްރި އާއި ޕްލޭނިންގ މިނިސްޓްރީ އެއްކޮށްލައި، މިނިސްޓްރީ އޮފް ފިނޭންސް އެންޑް ޕްލޭނިންގެ ނަމަށް ވަނީ ބަދަލުކޮށްފައެވެ. މި ވުަޒާރާ ހިންގަވާނީ މޫސާ ޒަމީރެވެ.
އަދި، ކުރީގެ ހައުސިންގ މިނިސްޓަރ ޑރ. ޢަލީ ހައިދަރު އަޙްމަދު، ހަޔަރ އެޑިއުކޭޝަން މިނިސްޓްރީ އަށް ބަދަލުކުރައްވައި، ހަޔަރ އެޑިއުކޭޝަން މިނިސްޓަރަކަށް ހުންނެވި ޑރ. މަރްޔަމް މާރިޔާ ވަނީ އެގްރިކަލްޗަރ މިނިސްޓްރީ އަށް ޢައްޔަނުކުރައްވައިފައެވެ.
މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ކެބިނެޓަކަށް ބަދަލުތަކެއް ގެނައި ދެވަނަ ފަހަރެވެ.
މި ލިޔުން ކިޔާލުމުން
