ލ.އަތޮޅުން ފެށިގެން އައްޑޫ ސިޓީއަށް ހުދު ސަމާލު ނެރެފިއެވެ.
މޯލްޑިވްސް މީޓިއޮރޮލޮޖިކަލް ސަރވިސް (މެޓް) އިން އެ ސަރަހައްދުތަކަށް ސަމާލު ނެރެފައިވަނީ 10:30 އިން ފެށިގެން 15:30 އާ ހަމައަށެވެ.
އެ ސަރަހައްދުތަކަށް ބޯކޮށް ވާރޭވެހުމާއެކު ގުގުރާނެ ކަމަށް ވަނީ ލަފާކޮށްފައެވެ.
މެޓް އޮފީހުން ހާމަކޮށްފައިވާ ގޮތުގައި މެދުރާއްޖެތެރެއާއި އުުތުރުގެ މޫސުން އާންމު ގޮތެއްގައި ރަނގަޅުވާނެއެވެ. އަދި ހުރިހާ ހިސާބެއްގެ ކަނޑުތައް އާދައިގެ ވަރަކަށް މަޑުވާނެއެވެ.
ރާޅުގެ އުސްމިން ހުންނާނީ 2 - 5 ފޫޓާ ދެމެދު ކަމަށް އެ އިދާރާއިން ބުނެފައިވެއެވެ.
ވޭތުވެދިޔަ 24 ގަޑިއިރަށް ބަލާއިރު އެންމެ ގިނައިން ވާރޭވެހިފައިވާ ކަމަށް ރެކޯޑުކުރެވިފައިވަނީ ގދ.ފަރެސްމާތޮޑާއަށެވެ. އެ ރަށަށް 65.1 މިލިމީޓަރުގެ ވާރޭވެހިފައިވެއެވެ.
