ސްޓެލްކޯގައި ނުކުޅެދުންތެރިކަން ހުންނަ 50 މުވައްޒަފުން މަސައްކަތް ކުރާކަމަށާއި، މިއީ ފަޚުރުވެރިވާ ކަމެއް ކަމަށް އެ ކުންފުނީގެ މެނޭޖިންގ ޑިރެކްޓަރ ހުސައިން ފަހުމީ ވިދާޅުވެއްޖެ އެވެ.
ނުކުޅެދުންތެރިކަން ހުންނަ މީހުންގެ ދުވަހާއި ގުޅިގެން ސްޓެލްކޯގެ މެނޭޖިން ޑިރެކްޓަރ ހުސެއިން ފަހުމީ ވިދާޅުވީ އެކި ކަހަލަ ނުކުޅެދުންތެރިކަން ހުންނަ 50 މުވައްޒަފުން، ވަރަށް ހީވާގި ކަމާއިއެކު އެހެން މުވައްޒަފުންނާއި ތަފާތެއް ނެތި ސްޓެލްކޯގައި މަސައްކަތް ކުރަމުންދާކަމީ ލިބޭ ފަހުރެއް ކަމަށެވެ.
ފަހުމީ ވިދާޅުވީ، ސްޓެލްކޯގައި މަސައްކަތްކުރާ ނުކުޅެދުންތެރިކަން ހުންނަ މުވައްޒަފުން މި މުޖުތަމަޢުއަށް ސާބިތުކޮށްދެމުންދަނީ، ތަފާތުކުރުމެއްނެތި ފުރުޞަތު ލިބިދީފިނަމަ ކޮންމެ މީހަކީވެސް މަސައްކަތުގެ މާޙައުލާއި މުޖުތަމަޢުގައި ފުރިހަމައަށް ޙިއްޞާވެވޭނެ މީހެއް ކަމަށެވެ.
ކޮންމެ އަހަރެއްގެ ޑިސެމްބަރ މަހުގެ 3 ވަނަ ދުވަހަކީ ބައިނަލް އަގުއާމީ ގޮތުން ފާހަގަކުރާ ނުކުޅެދުންތެރިކަން ހުންނަ ފަރާތްތަކުގެ ދުވަހެވެ. ރާއްޖޭގައި މިދުވަސް، އެކިކަންކޮޅުތަކުގައި އެކި މިންވަރަށް އެކި ގޮތްގޮތައް ފާހަގަ ކުރެއެވެ.
މިދުވަހަށް ކަނޑައަޅާފައިވާ ޝިއާރަކީ ނުކުޅެދުންތެރިކަން ހުންނަ ފަރާތްތައް ބާރުވެރިކުރުވާ ޝާމިލު ދެމެހެއްޓެނިވި ކުރިމަގަކަށް މިފަދަ ފަރާތްތަކުގެ އިސްނެގުމާއި އެފަރާތްތަކުގެ އަޑުއިއްވޭނެ ނިޒާމެއް ގާއިމު ކުރުމެވެ.
މި ލިޔުން ކިޔާލުމުން
