ރާއްޖެ ސަރަޙައްދުގެ ވައި ނުސާފުވާތީ ސަމާލުވުމަށް ހެލްތު ޕްރޮޓެކްޝަން އެޖެންސީ (އެޗް.ޕީ.އޭ) އިން އެދިއްޖެއެވެ.
މިގޮތުން އެޗް.ޕީ.އޭ އިން ކޮށްފައިވާ ޕޯސްޓެއްގައި ބުނެފައިވަނީ ވައި ނުސާފު ވަގުތުތަކުގައި ރައްކާތެރިވެ ސަމާލުވުމަށް އެދޭ ކަމަށެވެ. އެފަދަ ވަގުތުތަކުގައި އަންނަނިވި ކަންކަމަށް ސަމާލުކަން ދިނުމަށް އެޗް.ޕީ.އޭ އިން އެދިފައިވެއެވެ.
Advertisement
- ފުއްޕާމޭގެ ބަލިތަކާއި ހިތުގެ ބަލި، އެލާޖީ މައްސަލަތައް ހުންނަ މީހުން ގެއިން ބޭރުގައި ގިނަ ވަގުތު ހޭދަނުކުރުން
- ބޭރަށް ނިކުންނަން ޖެހޭ ހާލަތްތަކުގައި ރައްކާތެރި މާސްކް އެޅުން
- ކުޑަކުދިންނާއި ދޮށީ އުމުރުގެ މީހުންނާއި މާބަނޑު މީހުން ބޭރުގައި ގިނަ ވަގުތު ހޭދަ ނުކުރުން
- ތުއްތު ކުދިން ބޭރަށް ނުނެރުން
- ގޭގެ ދޮރުތައް ލައްޕާފައި ބެހެއްޓުން
- ބޭރުގައި ކުޅިވަރު ކުޅުމާއި ކަސްރަތު ކުރުން ފަދަ ކަންތައްތައް މަޑުޖައްސާލުން
އައި.ކިޔު އެއާއިން ދައްކާ ގޮތުގައި މާލޭގެ ވައިގެ ކޮލިޓީ އިންޑެކްސް (އޭ.ކިޔު.އައި) މިވަގުތު ހުރީ 82 ގައެވެ. އެޗް.ޕީ.އޭ އިން އާންމުކޮށްފައިވާ މަޢުލޫމާތަށް ބަލާއިރު، އޭ.ކިޔު.އައި 51 – 100 އާ ދެމެދު ހުރެއްޖެނަމަ، ނޭވާލާ ނިޒާމުގެ މައްސަލަތައް ޖެހުމުގެ ފުރުޞަތު ބޮޑު، ނާޒުކު ހާލަތުގައިވާ ފަރާތްތައް ބޭރުގައި އުޅުމުން ދުރުހެލިވާން ވާނެއެވެ.
މި ލިޔުން ކިޔާލުމުން
