މޯލްޑިވްސް ކަރެކްޝަނަލް ސަރވިސްގެ އޮފިސަރުން ތައިލެންޑްގައި ތަމްރީނު ހޯދުމާ ބެހޭ ގޮތުން މަޝްވަރާކުރައްވައިފިއެވެ.
މިގޮތުން ކޮމިޝަނަރ އޮފް ޕްރިޒަންސް ހަސަން ޒަރީރު، ތައިލޭންޑްގެ ޖަސްޓިސް މިނިސްޓްރީ އަދި ޑިޕާޓްމަންޓް އޮފް ކަރެކްޝަންސްގެ އިސްވެރިންނާއެކު ބޭއްވެވި ބައްދަލުންތަކުގައި، އެމްސީއެސްގެ އޮފިސަރުން ތައިލެންޑްގައި ތަމްރީނު ހޯދުމާ ބެހޭ ގޮތުންނާއި، ދެ މުއައްސަސާގެ މެދުގައު އިތުރަށް ގުޅުން ބަދަހި ކުރުމާ ބެހޭ ގޮތުން ފުޅާ ދާއިރާއެއްގައި މަޝްވަރާކުރައްވާފައިވެއެވެ.
ކަރެކްޝަންސް އިން ހާމަކޮށްފައިވާ ގޮތުގައި މި ދަތުރުފުޅުގައި ބައިވެރިވެވަޑައިގަންނަވާ ޓީމް ވަނީ ޗިއަންގމައި ސެންޓްރަލް ޕްރިޒަން އާއި ބެންކޮކްގެ އެކި ކަރެކްޝަނަލް ފެސިޓީތަކަށް ޒިޔާރަތްކޮށް، ގައިދީންނަށް ހިންގާ ރިހެބިލިޓޭޝަން ޕްރޮގްރާމްތަކާއި އެހެނިހެން ފަންނުވެރިކަމުގެ މަސައްކަތާއި ސިއްޙީކަންކަން ފޯރުކޮށްދޭ ގޮތްތަކާ ބެހޭ ގޮތުން މަޢުލޫމާތު ހޯއްދަވައިފައެވެ.
ތައިލެންޑަށް ކުރައްވާ ދަތުރުފުޅުގައި ކޮމިޝަނަރ އޮފް ޕްރިޒަންސްގެ އަރިހުގައި ކަރެކްޝަންސްގެ ޖަލުތަކުގެ އިސްވެރިންވެސް ބައިވެރިވެވަޑައިގަންނަވައެވެ.
މި ލިޔުން ކިޔާލުމުން
