މުޅި ރާއްޖެއަށް މިއަދު ނެރުނު ހުދު ސަމާލުގެ ވަގުތު މެޓް އޮފީހުން އަނެއްކާވެސް އިތުރުކޮށްފި އެވެ.
މޫސުން ގޯސްވުމުގެ ސަބަބުން ވައި ބާރުވެ ކަނޑުތައް ގަދަވާނެކަމަށް ލަފާކޮށް، މޯލްޑިވްސް މީޓިއޮރޮލޮޖިކަލް ސަރވިސް (މެޓް) އޮފީހުން ހުދު ސަމާލު ނެެރެފައިވަނީ މުޅި ރާއްޖެއަށް، މިރޭ 21:00 އިން ފެށިގެން ދަންވަރު 3:00 އާއި ހަމައަށެވެ.
ކަނޑު ދަތުރުކުރާ ފަރާތްތަކުން މޫސުމަށް ސަމާލުވުމަށާއި، ދަތުރަށް ނިކުތުމުގެ ކުރިން، ދުރާލާ މޫސުން އޮތްގޮތް ބެލުމާއި ރައްކާތެރިކަމަށް އަޅަންޖެހޭ ފިޔަވަޅުތައް އެޅުމަށް މެޓް އޮފީހުން އިލްތިމާސް ކުރެއެވެ.
