ބޮލީވުޑްގެ މަޝްހޫރު ކަޕުލް ދީޕިކާ ޕަދުކޯން އަދި ރަންވީރު ސިންގްގެ އަލަތު ތުއްތު އަންހެން ދަރިފުޅުގެ ފުރަތަމަ ފޮޓޯ އާއި ނަން ރޭ ހިއްސާކޮށްފިއެވެ.
ދަރިފުޅުގެ ފައިތިލައިގެ ފޮޓޯއަކާއެކު އިންސްޓަގްރާމްގައި ދިޕިކާ ރޭގައި ކުރި ޕޯސްޓެއްގައި ބުނެފައިވަނީ ދަރިފުޅުގެ ފުރިހަމަ ނަމަކީ ދުޢާ ޕަޑުކޯން ސިންގް ކަމެވެ.
ދިޕިކާ އިތުރަށް ޕޯސްޓްގައި ބުނެފައިވަނީ "ދުއާ ޕަދުކޯން ސިންގްގެ މާނައަކީ ދުޢާއެކެވެ. އެއީ އެ ދަރިފުޅަކީ އަހަރެމެންގެ ދުޢާތަކުގެ އިޖާބައެވެ. އަހަރެމެންގެ ހިތްތައް ވަނީ އުފަލުން ފުރިފައެވެ".
މި ދެ ތަރިން ކައިވެނި ކުރީ 2018 ވަނަ އަހަރު އިޓަލީގެ ލޭކް ކޮމޯގައި ބޭއްވި ކައިވެނީގެ ހަފްލާއެއްގަ އެވެ. އަދި ދަރިފުޅަކު ލިބުނީ މިދިޔަ ސެޕްޓެމްބަރު މަހު އަށެއްގަ އެވެ.
ދީޕިކާ އާއި ރަންވީރު ދެން ފެނިގެން ދާނީ މިއަންނަ ހުކުރު ދުވަހު އަޅުވާ، ރޯހިތު ޝެޓީ ޑައިރެކްޓްކުރާ ފިލްމް "ސިންގަމް އެގެއިން" ގަ އެވެ.
މި ލިޔުން ކިޔާލުމުން
