ބޭނުންވާނެ ތަކެތި:
4 ދޮންކެޔޮ
75 ގުރާމު ބަޓަރު (މެލްޓުކޮށްފައި)
100 ގުރާމު ހަކުރު
1 ބިސް
1 ސައިސަމުސާ ވެނީލާ އެސެންސް
1 ސައިސަމުސާ ބޭކިން ސޯޑާ
¼ ސައިސަމުސާ ލޮނު
185 ގުރާމު ފުށް
85 ގުރާމު ޗޮކުލެޓު ޗިޕްސް
ތައްޔާރުކުރާނެ ގޮތް:
ދޮންކެޔޮ ޗިސްކުރުމަށްފަހު، އޭގެ ތެރެއަށް މެލްޓުކޮށްފައި ހުރި ބަޓަރު، ހަކުރު، ބިސް އަދި ވެނީލާ އެސެންސް އެޅުމަށްފަހު އެއްކޮށްލާށެވެ. އެއަށްފަހު ބޭކިންގ ސޯޑާ އާއި ލޮނާއި ފުށް އެޅުމަށްފަހު އެއްކޮށްލާށެވެ. ރަނގަޅަށް އެއްވުމުން ޗޮކުލެޓު ޗިޕްސް އަޅާފައި އެއްކޮށްލުމަށްފަހު ލޯފް ޓްރޭއަކަށް އެޅުމަށްފަހު، 180 ޑިގްރީ ސެލްސިއަސްގެ އަވަނެއްގައި 50 މިނެޓަށް ފިހެލާށެވެ. ޓޫތުޕިކަކުން ޗެކުކުރުމަށްފަހު އެތެރެ ރޯކޮށް ހުރިނަމަ، 10 ވަރަކަށް މިނެޓަށް އިތުރަށް ފިހެލާށެވެ. ހިހޫވުމުން ސާވްކުރާށެވެ.
