ފީފާ އެކުވެރިކަމުގެ މެޗުތަކުގެ ތެރެއިން މިއަދު ކުޅު މެޗުގައި ފަހު ވަގުުތު ލަނޑު ޖަހައި، ބަންގްލަދޭޝް އިން ރާއްޖެ އަތުން މޮޅުވެއްޖެ އެވެ.
މި މެޗުން ބަންގްލަދޭޝް މޮޅުވީ 2-1 ގެ ނަތީޖާ އަކުންނެވެ.
ބަންގްލަދޭޝްގެ ދަނޑު ބަޝުންދަރާ ކިންގްސް އެރީނާގައި މިއަދު ކުޅުނު މެޗުގައި ރާއްޖެ އަށް ލީޑު ނަަގައި ދިނީ 23 ވަނަ މިނިޓްގައި އަލީ ފާސިރު (ސެންޓޭ) އެވެ.
ބަންގްލަދޭޝް އިން ފުރަތަމަ ހާފު ނިމުމުގެ ކުރިން އެއްވަރުކުރި އެވެ. އެ ޓީމުގެ ލަނޑު ޖެހީ، 43 ވަަނަ މިނިޓްގައި މުޖީބުއްރަހުމާން ޖޯނީ އެވެ. އަދި ބަންގްލަދޭޝް މޮޅުވި ގޯލު ޖަހައިދިނީ މެޗުގެ އިތުރު ވަގުތުގެ ގޮތުގައި ދެއްކި ހަތް މިނިޓްގެ ތެރެއިން ތިން ވަނަ މިނިޓްގައި މިޑްފީލްޑަރު، ޕަޕޯން ސިންގް އެވެ.
މިދިޔަ އަހަރެއްހާ ދުވަސްތެރޭ ރާއްޖޭން ބައިނަލްއަގުވާމީ ފުޓްބޯޅައިގައި ކުޅުނު ދެ ވަނަ މެޗުން ބަންގްލަދޭޝް މޮޅުވި އިރު، މިއީ، ބަންގްލަދޭޝް އިން ރާއްޖެ އަތުން ހޯދި ނުވަ ވަނަ މޮޅެވެ. ރާއްޖޭން ވަނީ ހަތް މެޗު ކާމިޔާބުކޮށްފައެވެ. އަދި ހަތަރު މެޗު ނިމުނީ އެއްވަރުވެގެންނެވެ.
މި ލިޔުން ކިޔާލުމުން
