އައްޑޫ ފިޝަރީސް ކޮމްޕްލެކްސް ގެ ކެޕޭސިޓީ 2500 ޓަަނަށް އިތުރު ކުރުމުގެ މަސައްކަތް އަންނަ އަހަރު ފެށޭނެ ކަމަށާއި އެކަމަށް ބޭނުންވާ ފައިސާ މިހާރު ހަމަޖެހިފައި ވާ ކަމަށް ފިޝަރީސް މިނިސްޓާރ އަހުމަދު ޝިޔާމް ވިދާޅުވެއްޖެއެވެ.
މިއަދު ރައްޔިތުންގެ މަޖިލީހަށް ހާޒިރުވެ މެމްބަރުން ކުރި ސުވާލުތަކަށް ޖަވާބުދެއްވަމުން މިނިސްޓާރ ޝިޔާމް ވިދާޅުވީ ފެށޭ އަހަރުގެ ކުރީކޮޅު އައްޑޫ ފިޝަރީސް ކޮމްޕްލެކްސްގެ މަސައްކަތް ފަށައި 1 އަހަރު ދުވަސްތެރޭގައި މަސައްކަތް ނިންމާލެވޭނެ ކަމަށެވެ.
މި މަސައްކަތަށް ބޭނުންވާ ފައިސާ އައިއެސްޑީބީގެ ފަރާތުން މިދިޔަ ހަފްތާގައި ހަމަޖެހިފައިވާ ކަމަށް ވެސް މިނިސްޓާރ ޝިޔާމް ވިދާޅުވިއެވެ.
މިވަގުތު އައްޑޫ ފިޝަރީސް ކޮމްޕްލެކްގެ މަސް ފިނިކޮށް ރައްކާ ކުރެވޭ ކެޕޭސިޓީ އަކީ 1500 ޓަނެވެ. އަލަށް ފެށޭ މަސައްކަތުގެ ދަށުން މަސް ފިނިކޮށް ރައްކާ ކުރެވޭ އިތުރު 1000 ޓަނާއި އިތުރު 50 ޓަނުގެ ބްރައިން ފްރީޒިން ޔުނިޓެއް ގާއިމް ކުރެވިގެން ދާނެއެވެ.
މި ލިޔުން ކިޔާލުމުން
