ދައުލަތުގެ އެއްވެސް ބާރެއްގެ، ނުވަތަ މިނިވަން މުވައްސަސާއެއްގެ، ނުވަތަ އިންތިޚާބު ކުރެވޭ އެއްވެސް ބައެއްގެ ބާރުތަކުގެ ތެރެއަށް މިއަދާ ހަމައަށް ވެސް ނުފޫޒު ފޯރުވާފައި ނުވާނެ ކަމަށާއި އަދި އެއީ އެމަނިކުފާނު ކުރިއަށް އޮތްތާގައި ވެސް ނުކުރާނެ ކަމެއް ކަމަށް ރައީސުލް ޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ އެކްގައި މިރޭ ކުރެއްވި ޕޯސްޓެއްގައެވެ. ނުފޫޒު ފޯރުވުމުގެ ބަދަލުގައި އެމަނިކުފާނު ކަށަވަރު ކުރާނީ އެފަދަ ފަރާތްތަކުން އަދުލުވެރިކަމާއި، އިންސާފާއި، ހަމަހަމަކަމާއެކު، ވަކި މީހަކަށް ބެލުމެއް ނެތި، ހަލުއި ދުވެލީގައި މަސައްކަތްކުރަމުން ދޭތޯ ކަމަށް ވެސް މި ޕޯސްޓުގައި އެމަނިކުފާނު އިތުރަށް ވިދާޅުވިއެވެ. އަދި އެމަގުން ކަންކަން ބައްޓަން ކުރުމަށް ޤާނޫނާއި ޤަވާއިދަށް ގެންނަންޖެހޭ އިސްލާހެއް ވާނަމަ އެއިސްލާހެއް ގެންނަށް ހުށައަޅަމުން ގެންދާނެ ކަމަށްވެސް ވިދާޅުވިއެވެ.
ްދައުލަތުގެ އެއްވެސް ބާރެއްގެ، ނުވަތަ މިނިވަން މުއައްސަސާއެއްގެ، ނުވަތަ އިންތިޚާބު ކުރެވޭ އެއްވެސް ބައެއްގެ ބާރުތަކުގެ ތެރެއަށް ނުފޫޒު ފޯރުވުމަކީ އަޅުގަނޑު މިއަދާ ހަމަޔަށްވެސް ކުރިކަމެއްނޫން އަދި ކުރިޔަށް އޮތް ތާނގައިވެސް ކުރާނޭކަމެއްނޫން!. އޭގެ ބަދަލުގައި، އެފަދަ ފަރާތްތަކުން…
— Dr Mohamed Muizzu (@MMuizzu) October 29, 2024
މިއީ އެންޓި ކޮރަޕްޝަން ކޮމިޝަނާއި އިލެކްޝަންސް ކޮމިޝަން ގެ ރައީސާއި ނައިބު ރައީސް ކަނޑައެޅުމުގެ ބާރު ރައީސުލްޖުމްހޫރިއްޔާ އަށް ލިބިދޭ ގޮތަށް ސަރުކާރުން ރައްޔިތުންގެ މަޖިލީހަށް ހުށައަޅާފައިވާ ބިލައް އިދިކޮޅު ފަރާތްތަކުގެ ފާޑު ކިޔަމުން ދާތީ އެކަމަށް ރައްދު ދިނުމުގެ ގޮތުން ރައީސް ޑރ. މުއިއްޒު ކުރެއްވި ޕޯސްޓެކެވެ.
”ދައުލަތުގެ އެއްވެސް ބާރެއްގެ، ނުވަތަ މިނިވަން މުއައްސަސާއެއްގެ، ނުވަތަ އިންތިޚާބު ކުރެވޭ އެއްވެސް ބައެއްގެ ބާރުތަކުގެ ތެރެއަށް ނުފޫޒު ފޯރުވުމަކީ އަޅުގަނޑު މިއަދާ ހަމަޔަށްވެސް ކުރިކަމެއްނޫން އަދި ކުރިޔަށް އޮތް ތަނުގައި ވެސް ކުރާނޭ ކަމެއް ނޫން!. އޭގެ ބަދަލުގައި، އެފަދަ ފަރާތްތަކުން ޢަދުލުވެރިކަމާއި، އިންސާފާއި، ހަމަހަމަކަމާއެކު، ވަކި މީހަކަށް ބެލުމެއްނެތި، ހަލުއި ދުވެލީގައި މަސައްކަތްކުރަމުން ދޭތޯ ކަށަވަރުކުރުމާއި އެ މަގަށް ކަންކަން ބައްޓަން ކުރުމަށް ކުރަންޖެހޭ އެންމެހާ ކަންކަން ކުރުމަށް، ޤާނޫނާއި ގަވާއިދަށް ގެންނަންޖެހޭ އިސްލާހެއްވާނަމަ އެ އިސްލާޙެއް ގެންނަން ސަރުކާރުން ހުށަހަޅަމުން ގެންދާނެ ވާހަކަ ދަންނަވަން.“ ރައީސް އެކްސްގައި ވިދާޅިވެއެވެ.
އެންޓިކޮރަޕްޝަން ކޮމިޝަންގެ ޤާނޫނާއި އިލެކްޝަންސް ކޮމިޝަންގެ ޤާނުނަށް ގެންނަން ފެންނަކަމަށް ސަރުކާރުން ހުށައަޅާފައިވާ ވާގޮތުން އެ ކޮމިޝަންތަކުގެ ރައީސް އާއި ނައިބު ރައީސް ގެ މަޤާމަށް ބޭފުޅުން އައްޔަންކުރައްވާނީ ރައީސުލްޖުމްހޫރިއްޔާ ކަމަށެވެ. ނަމަވެސް ރައީސުލް ޖުމްހޫރިއްޔާ އައްޔަން ކުރައްވާ ބޭފުޅުންގެ ނަން މަޖިލީހަށް ހުށައަޅަން ޖެހޭނެކަމަށް ވެސް އިސްލާހުތަކުގައި ބަޔާން ކޮށްފައި ވެއެވެ. އަދި އިސްލާހު ހުށައެޅުމުގެ ބޭނުމަކީ މުސްތަގިއްލު ކޮމިޝަންތަކުގެ ހިންގުން ހަރުދަނާކޮށް، އެ ކޮމިޝަން ތަކުގެ ރައީސާއި ނައިބު ރައީސްގެ މަގާމަށް މެމްބަރުން އައްޔަން ކުރުމުގެ އުސޫލު އެއްހަމަކުރުން ކަމަށް ވެސް ބިލްގައި ވެއެވެ.
މި ލިޔުން ކިޔާލުމުން
