2014 ވަނަ އަހަރަށް ފަހު ފުރަތަމަ ފަހަރަށް ޖަންމޫ އެންޑް ކަޝްމީރުގެ ގާނޫނު ހަދާ މަޖިލިސް އިންތިހާބަށް ވޯޓުލުމަށް ހުޅުވާލައިފިއެވެ.
މިފަހަރު ވޯޓުލުން އޮންނާނީ ތިން މަރުހަލާއަކަށް ބަހާލައިގެންނެވެ. މިގޮތުން ސެޕްޓެމްބަރު 18، ސެޕްޓެމްބަރު 25 އަދި އޮކްޓޯބަރު 1 ވަނަ ދުވަހު އިންތިހާބުގައި ވޯޓުލުން ކުރިއަށް ދާނެއެވެ. އިންތިހާބުގެ ވޯޓު ގުނުމާއި ނަތީޖާ އިއުލާންކުރުން އޮންނާނީ އޮކްޓީބަރު 8 ވަނަ ދުވަހުގަ އެވެ.
އިލެކްޝަންސް ކޮމިޝަން އޮފް އިންޑިއާގެ ތަފާސް ހިސާބުތައް ދައްކާ ގޮތުން 90 މެންބަރުން ހިމެނޭ ގާނޫނު ހަދާ މަޖިލީހަށް ވޯޓުލުމަށް ގާތްގަނޑަކަށް ނުވަ މިލިއަން މީހުން މިހާތަނަށް ރަޖިސްޓްރީކޮށްފައިވެ އެވެ. މި ގޮނޑިތައް ބަހާލެވިފައިވަނީ ޔޫނިއަން ޓެރިޓަރީ އެކުލެވިގެންވާ ދެ ސަރަހައްދުގެ މެދުގައި ކަމަށްވާ ކަޝްމީރާ ޖައްމޫ އަށެވެ. މިގޮތުން ކަޝްމީރުގައި 47 އަދި ޖައްމޫގައި 43 ގޮނޑި ހުރެއެވެ.
ފުރަތަމަ ބުރުގައި 24 ދާއިރާއަށް ޖުމްލަ 219 ކެންޑިޑޭޓުން ވާދަކުރާއިރު، އޭގެ ތެރޭގައި އިންޑިއާއާ ދެކޮޅު ހަތިޔާރު އެޅި މީހުން ގިނަ ސަރަހައްދު ކަމަށްވާ ދެކުނު ކަޝްމީރުގެ ޑިސްޓްރިކްޓްތަކުގެ 16 ކެންޑިޑޭޓުންވެސް ހިމެނެ އެވެ.
ޖަމްމޫ އެންޑް ކަޝްމީރަކީ އިންޑިއާގެ ހަމައެކަނި މުސްލިމުންގެ އަޣުލަބިއްޔަތު އޮންނަ ސަރަހައްދެވެ. އަދި 1947 ވަނަ އަހަރުން ފެށިގެން އަވަށްޓެރި ޕާކިސްތާނާ އެކު އުފެދިފައިވާ މައްސަލަތަކުގެ އަސްލަކީވެސް ޖައްމޫ އަދި ކަޝްމީރާ ގުޅިގެން އުފެދިފައިވާ ހިޔާލު ތަފާތުވުމެވެ. އިންޑިއާ އާއި ޕާކިސްތާނުން ވެސް މުޅި ކަޝްމީރަށް ދައުވާ ކުރެއެވެ. އަދި މި ދެ ގައުމުގެ މެދުގައި މިކަމާ ހެދި ތިން ހަނގުރާމަ އެއްވަނީ ކޮށްފައެވެ.
މި ލިޔުން ކިޔާލުމުން
