އެފޯޑަބަލް ހައުސިންގ މަޝްރޫޢުގެ 846 ފްލެޓްގެ އަމަލީ މަސައްކަތް ފަށައިފިއެވެ.
''ބޯހިޔާވެހިކަން އެންމެންނަށް" މި ސިޔާސަތުގެ ދަށުން ބީއެމް.އެމް.އެލް އެފޯޑަބަލް ހޯމް ލީސިންގ ޕްރައިވެޓް ލިމިޓެޑުން ކުރިއަށްގެންދާ 3260 ޔުނިޓުގެ މަޝްރޫޢުގެ ދަށުން ހުޅުމާލެ ފޭސް-1 ގައި އިމާރާތްކުރާ 546 ހައުސިންގ ޔުނިޓާއި ވިލިމާލޭގައި ޢިމާރާތްކުރާ 300 ހައުސިންގ ޔުނިޓުގެ ޢަމަލީ މަސައްކަތް ފެށުމަށް ބޭއްވި ރަސްމިއްޔާތުގައި މިނިސްޓަރ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓަރަކްޗަރ ޑރ. ޢަބްދުﷲ މުއްޠަލިބް، ބައިވެރިވެވަޑައިގެންނެވިއެވެ.
މީގެ އިތުރުން މި ރަސްމިއްޔާތުގައި ހައުސިންގ ޑިވެލޮޕްމަންޓް ކޯޕަރޭޝަން އަދި ބޭންކް އޮފް މޯލްޑިވްސް ގެ އިސްވެރިންވެސް ބައިވެރިވެވަޑައިގެންނެވިއެވެ.
"ބޯހިޔާވެހިކަން އެންމެންނަށް" މި ސިޔާސަތުގެ ދަށުން ބީއެމް.އެމް.އެލް އެފޯޑަބަލް ހޯމް ލީސިންގ ޕްރައިވެޓް ލިމިޓެޑުން ކުރިއަށްގެންދާ 3260 ޔުުނިޓުގެ މަޝްރޫޢުގެ ދަށުން ހުޅުމާލެ ފޭސް-1 ގައި އިމާރާތްކުރާ 546 ހައުސިންގ ޔުނިޓާއި ވިލިމާލޭގައި ޢިމާރާތްކުރާ 300 ހައުސިންގ ޔުނިޓުގެ ޢަމަލީ… pic.twitter.com/XGfbB7ewbE
— Ministry of Construction, Housing & Infrastructure (@MoCImv) January 27, 2026
'' ބޯހިޔާވެހިކަން އެންމެންނަށް" މި މަޝްރޫޢުގެ ދަށުން މިހާރު ވަނީ ހައުސިންގ އަށް އެދުމަށް ފުރުޞަތު ހުޅުވާލާފައެވެ.
މި މަޝްރޫއުތައް ނިމުމުން ހުޅުމާލޭ ފޭސް 1، ފޭސް 3 އަދި ވިލިމާލޭގައި 3،200 އަށްވުރެ ގިނަ ހައުސިންގ ޔުނިޓް ކުލި ދައްކައި ޚަލާސްކުރުމުން މިލްކުވާ ގޮތަށް، ނިސްބަތުން ކުޑަ ކުއްޔެއްގައި ދޫކުރެވޭނެ ކަމަށް ބީއެމްއެލުން ވިދާޅުވެއެވެ. އަދި މިއީ ރާއްޖޭގައި ގެދޮރު ހޯދުމުގައި އޮތް ޑިމާންޑަށް އެކަށީގެންވާ ލުޔެއް ގެނެސްދޭނެ މަޝްރޫއުތަކެއް ކަމަށްވެސް އެ ކުންފުނިން ވިދާޅުވެއެވެ.
ބީއެމްއެލްގެ ސީއީއޯ މުޙައްމަދު ޝަރީފް ވިދާޅުވީ 2028ވަނަ އަހަރުގެ ޖުލައި މަހުގެ ނިޔަލަށް މަޝްރޫއުތައް ނިމޭނެ ކަމަށެވެ.