ށ. ނަރުދޫ އިން ދިރިއުޅުމަށްޓަކައި ދޫކުރާ ބަންޑާރަ ގޯއްޗަށް އެދި ހުށަހެޅުމުގެ ފުރުޞަތު މާދަމާ ހުޅުވާލާނެއެވެ.
ނަރުދޫ ކައުންސިލްގެ އިދާރާއިން ކުރި އިޢުލާނެއްގައި ބުނެފައިވަނީ ދިރިއުޅުމަށްޓަކައި އެ ރަށުން ބަންޑާރަގޯތި ދޫކުރުމަށް ނިންމާފައިވާއިރު، މި ފަހަރު ދޫކުރުމަށް ހަމަޖެހިފައިވަނީ 2500 އަކަފޫޓްގެ 25 ގޯތި ކަމަށެވެ. އަދި މި ގޯތިތައް ދޫކުރުމަށް ހަމަޖެހިފައިވަނީ މި ރަށުގެ ލޭންޔޫސް ޕްލޭންގައި ގޯތި ދޫކުރުމަށް ފާހަގަކޮށްފައިވާ ސަރަޙައްދުން ކަމަށް ކައުންސިލުން ބުންޏެވެ.
ނަރުދޫ ކައުންސިލްގެ އިޢުލާނުގައިވާ ގޮތުން ގޯއްޗަށް އެދޭ ފޯމް ދޫކުރުމާއި ބަލައިގަތުމަށް ހަމަޖެހިފައިވަނީ 2026 ޖަނަވަރީ 11 ވަނަ ދުވަހުން 2026 ޖަނަވަރީ 29 ވަނަ ދުވަހުގެ ނިޔަލަށް، ރަސްމީ ބަންދުނޫން ކޮންމެ ދުވަހަކު ހެނދުނު 9:30 ން މެންދުރު 13:30 އާ ދެމެދު ށ. ނަރުދޫ ކައުންސިލް އިދާރާގެ ކައުންޓަރުންނެވެ. ގޯއްޗަށް އެދޭ ފޯމް ލިބެން ހުންނާނީ ކައުންސިލް އިދާރާއިންނެވެ.
އެހެންކަމުން ނަރުދޫން ގޯއްޗަށް އެދޭ ފަރާތްތަކުން ކަނޑައެޅިފައިވާ ގޮތުގެ މަތިން ފޯމު ހުށަހެޅުމަށް ކައުންސިލުން ވަނީ އެދިފައެވެ. އަދި މިކަމާ ބެހޭ އިތުރު މަޢުލޫމާތު 6540682 އަށް ގުޅައިގެން ލިބޭނެ ކަމަށްވެސް ކައުންސިލްގެ އިޢުލާނުގައި ބުނެފައިވެއެވެ.