ފަތުރުވެރިކަމުގެ ދާއިރާގައި ރާއްޖޭގެ އިންވެސްޓުކުރުމުގެ ފުރުސަތުތައް ދައްކާލައި، ބައިނަލްއަޤްވާމީ އިންވެސްޓަރުންގެ ސަމާލުކަން ހޯދުމުގެ ގޮތުން ވެބިނަރ ސިލްސިލާއެއް ކުރިއަށްގެންދިއުމަށް ތައްޔާރުވެއްޖެއެވެ. މި ސިލްސިލާ އަމާޒުކޮށްފައިވަނީ އޭޝިއާ، ޕެސިފިކް، ޔޫރަޕް، މެދުއިރުމަތި، އަދި އެމެރިކާގެ ބައިވެރިންނަށެވެ.
ފަތުރުވެރިކަމާއި ތިމާވެށްޓާ ބެހޭ ވުޒާރާއިން ހާމަކޮށްފައިވާ ގޮތުގައި ޚާރިޖީ ވުޒާރާ، ރާއްޖޭގެ އެކި ޤައުމުތަކުގައި ހުންނަ މިޝަންތައް، އަދި އިކޮނޮމިކް ޑިވެލޮޕްމަންޓް އެންޑް ޓްރޭޑް މިނިސްޓްރީ ގުޅިގެން ކުރިއަށްގެންދާ މި ވެބިނަރ ސިލްސިލާގައި ރާއްޖޭގެ ފަތުރުވެރިކަމުގެ ދާއިރާގެ އެންމެ އާ ހަބަރުތަކާއި، އިންވެސްޓުކުރުމުގެ ފުރުސަތުތައް ދައްކާލެވޭނެއެވެ.
A series of webinars on Tourism Investment Opportunities in the Maldives is being organised for Asia, the Pacific, Europe, the Middle East, and the USA. The initiative is being conducted in collaboration with the Ministry of Foreign Affairs, Maldives Missions Abroad, and the… pic.twitter.com/SqkzCh8kmN
— Ministry of Tourism and Environment (@MoTmv) September 16, 2025
މި ސިލްސިލާގެ ފުރަތަމަ ސެޝަން ބާއްވާފައިވަނީ އިއްޔެއެވެ. މި ސެޝަންގައި ޚާއްސަ ސަމާލުކަން ދީފައިވަނީ އޭޝިއާ ޕެސިފިކް އަދި ގަލްފު ޤައުމުތަކުގެ ބައިވެރިންނަށެވެ. މި ވެބިނަރތަކުގެ ސަބަބުން ރާއްޖޭގެ ފަތުރުވެރިކަމުގެ ދާއިރާއަށް އިތުރު ބޭރުގެ އިންވެސްޓްމަންޓްތައް ލިބި، ދިވެހި އިޤްތިޞާދަށް ކުރިއެރުން ލިބޭނެކަމަށް އުއްމީދުކުރެވޭ ކަމަށް ފަތުރުވެރިކަމާ ބެހޭ ވުޒާރާއިން ބުނެއެވެ.
މި ލިޔުން ކިޔާލުމުން
