ރާއްޖޭގެ އެންމެ ގިނަ ވިޔަފާރީގެ ހަރަކާތްތައް ހިންގާ އެއް ރަށް ކަމަށްވާ ކ. ތިލަފުށީގައި ކްލިނިކެއް ހިންގާނެ ބަޔަކު ހޯދަން އެޗްޑީސީއިން އިއުލާނުކޮށްފި އެވެ.
ހުޅުމާލެ ބަލަހައްޓާ އެޗްޑީސީ އިން ބުނީ ހުޅުމާލޭން 669.30 އަކަފޫޓުގެ އޭރިއާއެއްގައި ކްލިނިކެއް ހަދައިދޭން ޝައުގުވެރިކަން ހުންނަ ފަރާތްތަކުން މި މަހުގެ ހަތަރު ވަނަ ދުވަހު މައުލޫމާތު ސާފު ކުރުމަށްފަހު 22 ވަނަ ދުވަހު ބިޑް ހުށަހެޅުމުގެ ފުރުސަތު ހުޅުވާލާފައިވާ ކަމަށެވެ.
Thilafushi Clinic is now open for lease.
More details at: https://t.co/mPdl87s8Gz#ProjectswithHDC pic.twitter.com/iwsmRANoig
— Housing Development Corporation (@hdcmaldives) April 29, 2025
މުސްތަގުބަލުގައި ވިޔަފާރީގެ ގިނަ ވަސީލަތްތަކެއް ގާއިމް ކުރެވިގެންދާނެ ތިލަފުށީގައި ތަރައްގީ ކުރަން ފުރުސަތު ހުޅުވާލާފައިވާ ކްލިނިކުން އާއްމު ބަލިތަކުގެ ފަރުވާއާއި ބައެއް ޓެސްޓްތައް ހެދުން އަދި ކުއްލިއަކަށް ފަރުވާދޭން ޖެހިއްޖެ ހާލަތެއްގައި އެ ފަރުވާ ދެވޭނެ ވަސީލަތްވެސް ހުންނަން ޖެހެ އެވެ. ބައެއް ވެކްސިންތައް ޖެހުން ފަދަ ކަންކަންވެސް އެތަނުގައި ކުރެވޭނެ ވަސީލަތް ހުންނަން ލާޒިމްކޮށްފައިވެ އެވެ. މިތަނުގައި މި ފަރުވާތަކަށް އެކަށީގެންވާ ޑޮކްޓަރެއްވެސް ހުންނަން ލާޒިމްކޮށްފައިވެ އެވެ. އެޗްޑީސީއިން މި ކްލިކު ދޫކުރަނީ 10 އަހަރު ދުވަހުގެ މުއްދަތަށެވެ.