ހުޅުމާލޭގެ ފްލެޓެއްގައި ހަބަރު ހުސްވެފައި އޮތް އަންހެނަކު ފެނި، އޭނާއަށް ފަރުވާ ދިނުމަށްފަހު ދޫކޮށްލާފައިވާ ކަމަށް މޯލްޑިވްސް ޕޮލިސް ސަރވިސްއިން ހާމަކޮށްފިއެވެ.
ފުލުހުން ބުނެފައިވާ ގޮތުގައި، އިއްޔެ ހެނދުނު 6:05 ހާއިރު ހުޅުމާލެ ފޭސް 2 ގެ ވިނަރެސް ފްލެޓެއްގެ ތެރެއިން އަންހެނަކު ރޯ އަޑު އިވޭ ކަމަށް ބުނެ ފުލުހުންނަށް ރިޕޯޓެއް ލިބުނެވެ. މި ރިޕޯޓާ ގުޅިގެން ފުލުހުން ވަނީ ވަގުތުން ހަރަކާތްތެރިވެފައެވެ.
ފުލުހުން ގަދަކަމުން ދޮރު ހުޅުވައި ބެލިއިރު، 21 އަހަރުގެ ދިވެހި އަންހެނަކު ހަބަރު ހުސްވެފައި އޮއްވާ ފެނުނު ކަމަށް ފުލުހުން ބުނެފައިވެއެވެ. އޭނާގެ ހާލަތު ރަނގަޅު ކަމަށާއި، ބޭނުންވާ ފަރުވާ ދިނުމަށްފަހު މިހާރު ދޫކޮށްލާފައިވާ ކަމަށްވެސް ފުލުހުން ހާމަކޮށްފައިވެއެވެ.
"މި މައްސަލައާ ގުޅިގެން ޖިނާއީ ތަޙުޤީޤެއް ހިންގަން ނުޖެހޭ. ސިއްޙީ މައްސަލައެއްގެ ސަބަބުން ދިމާވި ކަމެއް ކަމަށް ބޮޑަށް ބެލެވެނީ،" ފުލުހުން ބުނެފައިވެއެވެ.
މި ލިޔުން ކިޔާލުމުން
