ވެލާނާ އިންޓަނޭޝަނަލް އެއާޕޯޓް އިން ފޮށިގަނޑެއް ވަގަށް ނެގި މީހަކު ހޯދަން ފުލުހުން އިއުލާންކޮށްފިއެވެ.
ފުލުހުންގެ ބުނީ، އެމީހާ އަކީ 2024 ނުވެމްބަރު މަހުގެ 23 ވަނަ ދުވަހު ވީއައިއޭގެ ސީޕްލޭން ޓާމިނަލްގެ ކައުންޓަރު ކައިރީގައި ބަހައްޓާފައި ހުރި ފޮށިގަނޑެއް ވަގަށް ނަގާފައިވާ މީހެއް ކަމަށެވެ.
އަދި އެއީ ކާކުކަން ދެނެގަނެވިފައި ނުވާތީ އާއި، މިހާތަނަށް އެމީހާ ހޯދިފައި ނުވާތީ ފުލުހުން ވަނީ އެމީހާ ހޯދުމަށް އާންމުންގެ އެހީތެރިކަމަށް އެދިފައެވެ.
އަދި ފުލުހުން ވަނީ މި މައްސަލައިގައި ޝައްކުކުރެވޭ މި މީހާގެ ވީޑިއޯ ފުޓޭޖް އާންމުކޮށް މިމީހާ އާއި ބެހޭ އެއްވެސް މައުލޫމާތެއް އެނގޭ ފަރާތެއްވާނަމަ 9400056 ނަންބަރަށް ގުޅައި އެ މަޢުލޫމާތު ހިއްސާކުރުމަށް އެދިފައެވެ.
ވީޑިއޯ: އެއަރޕޯޓް ސީޕްލޭން ޓަރމިނަލް ކައުންޓަރ ކައިރީހުރި ފޮށިގަނޑެއް ވަގަށް ނަގާފައިވާ މައްސަލައެއްގައި މީހަކު ހޯދަނީhttps://t.co/aZGYe69lGT pic.twitter.com/i8TJ0e1qlw
— Maldives Police (@PoliceMv) February 5, 2025
މި ލިޔުން ކިޔާލުމުން
