ސްވިޑެންގެ ވެރިރަށް ސްޓޮކްހޯމްގައި ކީރިތި ޤުރުއާން އެންދުމަށް އެކި ހަރަކާތްތައް ކުރިން ބާއްވައި އިންތިޒާމުކުރި ސަލްވާން މޮމިކާ މަރާލައިފި އެެވެ. ސަލްމާން މޮމިކާ އަކީ ރެފުޖީއެއްގެ ގޮތުގައި ސްވިޑުންގެ ހިމާޔަތުގައި އުޅެމުންދިޔަ އިރާގަށް އުފަން މީހެކެވެ.
މޮމިކާ މަރާލާފައިވަނީ އޭނާ މިހާރު ދިރިއުޅެމުންދާ ގޭގައި ކަމަށް ބައެއް މަސްދަރުތަކުން ރިޕޯޓުކޮށްފައިވެއެެވެ. އަދި އެނާއަށް ހަމަލާ ދީފައިވަނީ ގޭގައި ޓިކްޓޮކް ލައިވް އެއް ކުރިޔަށް ގެންދަނިކޮށް ބަޑިންކަމަށްވެސް ޙަބަރު ފަތުރާ ވަސީލަތްތަކުން ރިޕޯރޓް ކޮށްފައިވެ އެވެ.
ބަޑީގެ ހަމަލާގައި މޮމިކާ މަރާލާފައި މިވަނީ ސްވިޑެންގެ ކޯޓަކުން އޭނާގެ މައްޗަށް ނަސްލީ ބައިބައިވުން އުފައްދައި ނަފްރަތް އުފެއްދުމުގެ ކުށް ސާބިތުވޭތޯ ހުކުމް އިއްވުމަށް މިއަދު ތަައްޔާރު ވެފަަައިވަނިކޮށެވެ.
2023 ވަނަ އަހަރު ސްވިޑެންގެ މަގުމަތީގައި މޮމިކާ ޤުރުއާން އަންދާލުމުގެ ސަބަބުން މުސްލިމް ގައުމުތަކުގައި ވަނީ އެކަމާއި ދެކޮޅަށް ބޮޑެތި އެއްވުން ތަކެއް ބާއްވައި އޭނާ ހައްޔަރު ކުރުމަށް ސްވިޑެންއަށް ގޮވާލާފައެވެ.
އަދި އެދުވަސް ވަރު އިރާގްގައި ކުރިޔަށް ގެންދިޔަ އެއްވުންތަކުގެ ބައިވެރިން ވަނީ ސްވިޑެން އެމްބަސީއަށް ވަދެ އަލިފާންވެސް ރޯ ކޮށްފަ އެވެ. ނަމަވެސް އޭރު ސްވިޑެން އިން ބުނީ މޮމިކާ އެހަރަކާތް ހިންގީ އެގަމުގައި ލިބިދޭ ހިޔާލު ފާޅުކުރުމުގެ މިނިވަން ކަމުގެ ތަރަހައިގެ ތެރެއިން ކަމަށެވެ.
40 އަހަރުގެ މޮމިކާގެ މަރުގެ މައްސަލައިގެ ތަހްގީގަށް 5 މީހަކު މިހާތަނަށް ހައްޔަރު ކޮށްފަައިވާ ކަމަށް ބުނުން ފިޔަވައި އިތުރު ތަފްސީލެއް ސްވިޑެންގެ ފުލުހުން ދީފައިނުވެއެެވ.
2017 ވަނަ އަހަރު ސްވިޑެންގެ ހިމާޔަތް ހޯދި ނަސާރާ ދީނުގެ މޮމިކާ މިހާތަނަށް އުޅެމުން ދިޔައީ ވަރަށް ބޮޑަށް ފިލައިގެން ފުލުހުންގެ ހިމާޔަތާވެސް އެކުގަ އެވެ.
މި ލިޔުން ކިޔާލުމުން
