ބޭންކް އޮފް މޯލްޑިވްސް (ބީއެމްއެލް) އިން މާލޭ ހިރިޔާ ސްކޫލާއި ހުޅުމާލޭ ދެވަނަ ފިޔަވަހީގައި ހުންނަ ޞަލާޙުއްދީން ސްކޫލްގެ ސެން ކުލާސްތައް ތަރައްޤީކޮށްފިއެވެ.
މިގޮތުން މުޖުތަމަޢަށް އެހީވުމަށް ބޭންކުން ކުރަމުންދާ މަސައްކަތްތަކުގެ ތެރެއިން ފޯރުކޮށްދިން އެހީތެރިކަމާއެކު މި ދެ ސްކޫލްގެ ސެން ކުލާސްތަކުގައި ކިޔަވަމުންދާ 200 ވަރަކަށް ދަރިވަރުންނަށް ކިޔަވައިދިނުމަށް އިތުރު ލުއިފަސޭހަތަކެއް ވަނީ ލިބިގެންގޮސްފައެވެ.
ބީއެމްއެލް އިން މި ދެ ސްކޫލަށް ފޯރުކޮށްދިން އެހީގެ ތެރޭގައި ކްލާސްރޫމްތައް މަރާމަތުކުރުމާއި ކުދިން އުނގެނުމަށް ބޭނުންކުރާ ތަކެތި ފޯރުކޮށްދިނުން ހިމެނެއެވެ.
ބީއެމްއެލް އިން ބުނީ ކުލާސްރޫމްތަކަށް ހަދިޔާކުރެވެނު ތަކެއްޗަކީ ކުދިންގެ ޤާބިލުކަމާއި، އެހެން މިހުންނާއި ގުޅިގެން މުޖުތަމަޤުގައި ހަރަކާތްތެރި ވުމަށް ބޭނުންވާ ހުނަރު ތަރައްޤީ ކުރުމާއި އެކުދިންގެ ތަޢުލީމީ ބޭނުންތައް ބަލައިގެން ހޯދާފައިވާ ވަސީލަތްތަކެއް ކަމަށެވެ.
ބީއެމްއެލް އިން ވަނީ ވޭތުވެދިޔަ އަހަރުތަކުގެތެރޭގައި ރާއްޖޭގެ އެކި ކަންކޮޅުތަކުގައިވާ 40 ސްކޫލެއްގެ ސެން ކްލާސްތަކަށް ބޭނުންވާ އާލާތްތައް ހަދިޔާކޮށްފައެވެ.
މީގެ އިތުރުން، ބީއެމްއެލްގެ އެހީގައި މާލޭ އިމާދުއްދީން ސްކޫލުގައި ތެރަޕީ ރޫމެއްވެސް ޤާއިމުކުރެވިފައި ވެއެވެ. އަދި އަތޮޅުތެރޭގެ ސްކޫލުތަކުގެ ކޮންޕިއުޓަރ ލެބް ތަރައްޤީކުރުމަށްވެސް ބޭންކުން އެހީތެރިކަން ފޯރުކޮށްފައިވެއެވެ.
މި ލިޔުން ކިޔާލުމުން
