ކޮންޓްރޯލަރ ޖެނެރަލް އޮފް އިމިގްރޭޝަން، މުޙައްމަދު ޝަމްޢާން ވަޙީދު ސަޢޫދީ ޢަރަބިއްޔާގެ ވެރިރަށް ރިޔާދަށް ވަޑައިގެންފިއެވެ.
މިއީ ސަޢޫދީގެ ޖެނެރަލް ޑައިރެކްޓަރޭޓް އޮފް ޕާސްޕޯޓްސްގެ ދަޢުވަތަށް ޝަމްޢާން ކުރައްވާ ދަތުރުފުޅެކެވެ. މިގޮތުން މި ދަތުރުފުޅުގެ ތެރެއިން ޝަމްޢާން ވަނީ، ސަޢޫދީގެ ޖެނެރަލް ޑައިރެކްޓަރޭޓް އޮފް ޕާސްޕޯޓްސް، މޭޖަރ ގެނެރަލް ޑރ. ސަލޭހް އަލްމިރްބާ އާއި އެ އިދާރާގެ އެހެނިހެން އިސްވެރިންނާ ބައްދަލުކުރައްވައިފައެވެ.
At the invitation of Saudi Arabia’s General Directorate of Passports, the Controller General of Immigration, @ShamaanW, visited Riyadh and met with Saudi Arabia’s General Directorate of Passports, Major General Dr. Saleh Almirba and other key officials.
The delegation received a… pic.twitter.com/ztcXmlaKei
— Maldives Immigration (@ImmigrationMV) January 23, 2025
މި ބައްދަލުކުރެއްވުމުގައި، އިމިގްރޭޝަން އޮފިސަރުންނަށް ތަމްރީން ކުރުމާއި، މަޢުލޫމާތު ބަދަލުކުރުމާއި އިންޓެލިޖެންސް ހިއްސާކުރުމާ ގުޅޭގޮތުން ވަނީ މަޝްވަރާކުރައްވައިފައެވެ.
އިމިގްރޭޝަނުން ހާމަކޮށްފައިވާ ގޮތުގައި މި ދަތުރުގައި ބައިވެރިވެވަޑައިގަންނަވާ ދިވެހި ވަފުދަށް ސަޢޫދީން ވަނީ ވަރަށް ހޫނު މަރުޙަބާއެއް ދަންނަވައިފައެވެ.
މީގެ އިތުރުން، މި ދަތުރުގެ ތެރެއިން ވިސާ ދޫކުރުމާއި، ބޯޑަރު ބެލެހެއްޓުމާއި ހުނަރުތައް ތަރައްޤީކުރުމާ ގުޅޭގޮތުން މުހިންމު މަޢުލޫމާތުތަކެއް ވަފުދުގެ ބައިވެރިންނަށް ލިބިފައިވާ ކަމަށް އެ މުއައްސަސާއިން ހާމަކުރެއެވެ.
މި ލިޔުން ކިޔާލުމުން
