ތައިލެންޑުގެ ދެކުނުގައިވާ މަޝްހޫރު ރިސޯޓް ރަށެއް ކަމަށްވާ ޕުކެޓުގައި ކުނީގެ މައްސަލަ ބޮޑުވެއްޖެ އެވެ.
ޕުކެޓްގެ ވަށައިގެންވާ ކަނޑުގެ އަޑީގައި ޕްލާސްޓިކް ފުޅިތަކާއި ހުސް ދަޅުތަކުން ފުރި, ސާފު ގޮނޑުދޮށްތަކުން އިރުއޮއްސޭ މަންޒަރު ރީތި ކަމަށް, ފަތުރުވެރިންގެ މެދުގައި މަޝްހޫރު މި ރަށަށް ވަނީ ކުނި އެޅުމުގެ މައްސަލަ އިންތިހާއަށް ބޮޑުވެފަ އެވެ.
ދުވާލެއްގެ މައްޗައް އެއްކުރެވޭ 1,000 ޓަނަށް ވުރެ ގިނަ ކުންޏާއާއެކު މި ކުނިތައް އުފުލާ ޓްރަކްތަކުން ރަށުގެ އެއް ދިމާއެއް ވަނީ ފުރި ބާރުވެފަ އެވެ.
ފަތުރުވެރިކަމުގެ ދާއިރާއާ ގުޅިގެން ހަލުއި މިނެއްގައި ތަރައްޤީ އައިސްފައިވާ ޕުކެޓްއަކީ ތައިލެންޑުގެ އެންމެ ބޮޑު ރަށެވެ. އަދި މިއީ މުޅި ތައިލެންޑުގެ އިޤްތިޞާދު އެންމެ ބޮޑަށް ބަރޯސާވާ އެއް ރަށް ވެސް މެއެވެ. 2024 ވަނަ އަހަރު ތައިލެންޑަށް ޒިޔާރަތްކުރި 35.5 މިލިއަން ފަތުރުވެރިންގެ ތެރެއިން, 13 މިލިއަން މީހުން ގޮސްފައިވަނީ މި ރަށަށެވެ.
މި ރަށުގައި ހުރީ އެންމެ ކުނިގޮނޑެއް ކަމުން, ދުވާލެއްގެ މައްޗައް އުފެދޭ ކުންޏަށް ބަލާއިރު, އެތަނުގެ ކެޕޭސިޓީއަށް ދަތިވެ ބާރުބޮޑުވަމުންދާ ކަމަށް ޕުކެޓްގެ މޭޔަރ ވަނީ ވިދާޅުވެފަ އެވެ. .
މީގެއިތުރުން މޭޔަރ ވިދާޅުވެފައި ވަނީ ކުނީގެ މައްސަލަ ހައްލުކުރުމަށްޓަކައި އޮތޯރިޓީތަކުން 6 މަސް ދުވަހުގެ ތެރޭގައި ކުނި އުފެދޭ މިންވަރު 15 އިންސައްތައިން މަދުކުރުމާށާއި، ކުނިގޮނޑު ފުޅާކުރުމާއި، އަދި އައު އިންސިނެރޭޓަރެއް އިމާރާތްކުރުމުގެ ޕްލޭންތައް ކުރިއަށް ގެންދަމުންދާ ކަމަށެވެ. މިއީ މި ރަށް އިތުރަށް ދެމެހެއްޓެނިވި ފަތުރުވެރިކަމުގެ މަންޒިލަކަށް ހެދުމަށްޓަކައި ކުރެވޭ މަސައްކަތްތަކެއް ކަމަށް ވެސް ވަނީ ވިދާޅުވެފަ އެވެ.
މި ލިޔުން ކިޔާލުމުން
