އެސްޓޯނިއާގެ ޑިޖިޓަލް އީޖާދުތައް އަދި ސްޓާޓަޕް އިކޯސިސްޓަމަކީ ރާއްޖެއަށް ހުރި ނަމޫނާއެއް ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
މިގޮތުން އެސްޓޯނިއާގެ ޑިޖިޓަލް އެޑްވައިޜަރީ ކައުންސިލާއެކު ކުރިއަށްގެންދިޔަ މުހިންމު މަޝްވަރާތަކަށްޓަކައި އެ ޤައުމުގެ ރައީސް އަށް ޝުކުރު ދަންނަވައި އެކްސްގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ވިދާޅުވީ، އެސްޓޯނިއާގެ ޑިޖިޓަލް އީޖާދުތަކާއި ސްޓާޓަޕް އިކޯސިސްޓަމުން ރާއްޖޭގެ ޑިޖިޓަލް ޓްރާންސްފޮމޭޝަނަށް މުހިންމު ނަމޫނާއެއް ކަމަށެވެ.
Thank you, President @AlarKaris, for the insightful discussions during yesterday’s Round Table with Your Excellency’s Digital Advisory Council. Estonia’s digital innovation and startup ecosystem provide valuable inspiration for the Maldives’ digital transformation. I am looking… https://t.co/hWOA1wOn8R
— Dr Mohamed Muizzu (@MMuizzu) January 15, 2025
މީގެ އިތުރުން އާންމު އަދި އަމިއްލަ ސެކްޓަރގެ އީޖާދީ ކުރިއެރުމަށް ދެ ޤައުމު ގުޅިގެން މަސައްކަތް ކުރެއްވުމަށް އުއްމީދުކުރައްވާ ކަމަށްވެސް އެމަނިކުފާނު ވަނީ ވިދާޅުވެފައެވެ.
އެސްޓޯނިއާގެ ރައީސަށް ލަފާ އަރުވާ އެޤައުމުގެ ޑިޖިޓަލް އެޑްވައިޜަރީ ކައުންސިލާއެކު އިއްޔެ ބޭއްވި ރައުންޑްޓޭބަލް މަޝްވަރާތަކުގައި ރައީސް ވަނީ، ޑިޖިޓަލް ރާއްޖޭގެ ތަޞައްވުރަކީ، އެންމެންނަށްވެސް ބޭނުންހިފެނިވި، ދެމެހެއްޓެނިވި އަދި ވިލުންވެރި ތަޞައްވުރެއް ކަމަށާއި، ޢަމާޒަކީ އެންމެ ފުރަތަމަ އިޚްތިޔާރަކަށް ޑިޖިޓަލް ޓެކްނޮލޮޖީ ޚިޔާރު ކުރައްވާ ސަރުކާރެއް ބިނާކުރެއްވުން ކަމުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ.
މި ލިޔުން ކިޔާލުމުން
