އެމެރިކާގެ ކުރީގެ ރައީސް، ޖިމީ ކާޓަރ އަވަހާރަވުމާ ގުޅިގެން ޚާރިޖީ ވަޒީރު، ޑރ. ޢަބްދުﷲ ޚަލީލް ތަޢުޒިޔާ ފޮނުއްވައިފިއެވެ.
އެކްސްގައި މިއަދު ކުރެއްވި ޕޯސްޓެއްގައި ޑރ. ޚަލީލް ވިދާޅުވީ، ކުރީގެ ރައީސް ޖޭމްސް އާލް ކާޓަރ ޖޫނިއަރ އަވަހާރަވި ޚަބަރު އެހީ ފުން ހިތާމައާއެކު ކަމަށެވެ.
I was deeply saddened to learn of the passing of Former President James Earl Carter Jr.
On behalf of the Government and people of the Maldives, I wish to express my sincere condolences to the Government and the people of the United States, at this time of national grieving.
I…
— Abdulla Khaleel (@abkhaleel) December 30, 2024
މީގެ އިތުރުން ޑރ. ޚަލީލް ވަނީ، ޤައުމީ ހިތާމައިގެ މި ދަނޑިވަޅުގައި، ދިވެހި ސަރުކާރާއި ރައްޔިތުން އަދި އެމަނިކުފާނުގެ އަމިއްލަ ނަންފުޅުގައި، އެމެރިކާގެ ސަރުކާރާއި ރައްޔިތުންނަށް އިޚްލާޞްތެރިކަމާއެކު ތަޢުޒިޔާ ދަންނަވައިފައެވެ.
އަދި، ދުނިޔޭގެ ސުލްހައާއި ރައްކާތެރިކަން އިތުރުކުރުމަށް ކުރީގެ ރައީސް ކާޓަރ އިސްކޮށް ހުންނަވައިގެން ކުރެއްވެވި މަސައްކަތްތަކަށް އަބަދުވެސް ތަޢުރީފުކުރައްވާނެ ކަމަށާއި، އެމަނިކުފާނުގެ މަސައްކަތަކީ ކުރިއަށް އޮތް ޖީލުތަކަށްވެސް އޮތް މިސާލެއް ކަމުގައި ޑރ. ޚަލީލް ވިދާޅުވިއެވެ.
ކާޓަރ އަކީ 1977 އިން 1981 އާ ދެމެދު އެމެރިކާގެ ވެރިކަން ކުރެއްވި، އެ ޤައުމުގެ 39 ވަނަ ރައީސެވެ. ކާޓަރ އަވަހާރަވީ އުމުރުފުޅުން 100 އަހަރުގައެވެ. އޭނާ އަކީ އެމެރިކާގެ ރައީސްކަން ކުރެއްވި ބޭފުޅުންގެ ތެރެއިން އެންމެ ގިނަ ދުވަހު ދުނިޔޭގައި ހުންނެވި ބޭފުޅާއެވެ.
ކާޓަރގެ ވެރިކަމުގައި ޚާރިޖީ ސިޔާސަތާ ގުޅުންހުރި ގިނަ ގޮންޖެހުންތަކާއި ކުރިމަތިލާން ޖެހުނެވެ. ދެވަނަ އިންތިޚާބުގައި ޑިމޮކްރެޓް ބަލިކޮށް އިންތިޚާބު ކާމިޔާބުކުރެއްވީ ރޯނަލްޑް ރީގަން އެވެ.
ކާޓަރގެ ޞިއްޙީ ފަރުވާ ނިމުމާއެކު ގޭގައި ހޮސްޕިސް ކެއަރ ދިނުމަށް ހަމަޖެހިފައިވާކަން މިދިޔަ އަހަރު ވަނީ އިޢުލާންކޮށްފައެވެ. އަވާހަރަވިއިރު ކާޓަރ އަށް ވަނީ ގިނަ ޞިއްޙީ މައްސަލަތަކެއް ކުރިމަތިވެފައެވެ. އޭގެ ތެރޭގައި ކާޓަރގެ މޭ އަދި ސިކުނޑިއަށް މެލަނޯމާއެއް ފެތުރިގެން ދިއުން ހިމެނެއެވެ.
މި ލިޔުން ކިޔާލުމުން
