މިދިޔަ ހުކުރު ދުވަހުގެ ރޭ ކ.ގުރައިދޫގައި ނިޔާވި 4 މަހުގެ ކުއްޖާގެ ހަށިގަނޑު ޕޯސްޓްމޯޓަމް ހެދުމަށް ރާއްޖެއިން ބޭރަށް ފޮނުވައިފިއެވެ.
ފުލުހުންގެ ޚިދުމަތުން މިއަދު ބުނީ ކުއްޖާގެ ހަށިގަނޑު ޕޯސްޓްމޯޓަމް ހެދުމަށް އިންޑިއާއަށް ފޮނުވީ މިއަދު 12:00 ގެ ފުލައިޓުގައި ކަމަށެވެ.
ޕޯސްޓްމޯޓަމް ހަދަން ނިންމީ ނިޔާވި ކުއްޖާގެ މަރުގައި ޝައްކުކުރެވޭ ކަންތައްތަކެއް ހުރުމުންނެވެ.
އެ ކުއްޖާ ޚަބަރު ހުސްވެފައި އޮތުމުން ގުރައިދޫ ސިއްހީ މަރުކަޒަށް ގެންދިޔައީ އެ ރޭގެ 00:30 ހާއިރުއެވެ. ސިއްހީ މަރުކަޒަށް ގެންދިޔައިރު ވެސް ކުއްޖާ އޮތީ ނިޔާވެފައެވެ.
ނިޔާވެފައި އޮތްއިރު، ކުއްޖާގެ ނޭފަތުން ލޭ އައިސްފައި ހުރި ކަމަށް މައުލޫމާތު ލިބެއެވެ.
ކުއްޖާގެ ހަށިގަނޑު މާލެ ގެނައީ އެރޭގެ މެންދަމު 3:00 ހާއިރުއެވެ. ކުއްޖާގެ ހަށިގަނޑު މާލެ ގެނެސް، ޓެސްޓުތަކެއް ހެދުމަށްފަހު މިއަދާ ހަމައަށް ހަށިގަނޑު ބާއްވައިފައި އޮތީ މޯޗަރީގައެވެ.
މި ލިޔުން ކިޔާލުމުން
