ދެކުނު ކޮރެޔާގެ ރައީސް ޔޫން ސުކް ގެ އޮފީސް އެ ގައުމުގެ ޕޮލިހުން ބާލާ ފާސްކޮށްފިއެވެ.
ޕޮލިހުން ރައީސް އޮފީސް ބަލާ ފާސްކޮށްފައިވަނީ, ރައީސް ޔޫން ޤައުމުގައި މާޝަލް ލޯ ތަންފީސް ކުރުމަށް ކުރި މަސަކަތް ނާކާމިޔާބުވެ, މި މައްސަލައާއި ގުޅޭ ލިޔެކިއުންތައް ތަހްޤީޤަށް ހޯދުމަށެވެ. އެގޮތުން، ހޯދާ ލިޔެކިއުންތަކުގެ ތެރެގައި ތެރޭގައި މާޝަލް ލޯ އިޢުލާންކުރި ރޭ ބޭއްވުނު ކެބިނެޓް ބައްދަލުވުންތަކާ ގުޅޭ ލިޔެކިޔުންތައް ހިމެނޭކަމަށް ޚަބަރު ލިބެއެވެ.
މީގެ އިތުރުން ބަލައި ފާސް ކުރެވުނު ތަންތަނުގެ ތެރޭގައި ނޭޝަނަލް ޕޮލިސް އޭޖެންސީއާއި، ސިއޯލް މެޓްރޮޕޮލިޓަން ޕޮލިސް އޭޖެންސީއާއި، ނޭޝަނަލް އެސެމްބްލީ ޕޮލިސް ގާޑްސް ވެސް ހިމެނެއެވެ.
ރައީސްއާއި އޭނާގެ ސަރުކާރުގެ އެކިއެކި ބޭފުޅުނާ ދެކޮޅަށް މިހާރު ވަނީ އިންސަރެކްޝަން ގެ ދަޢުވާ އުފުލާފައެވެ. އަދި އެ ފަރާތްތަކުގެ ތެރެއިން ގިނަ ބަޔަކަށް ވަނީ ދަތުރުފަތުރު ކުރުން ވެސް މަނާކޮށްފައެވެ.
ރިޕޯޓުތަކުގައިވާ ގޮތުން، ރައީސްއަށް މާޝަލް ލޯ ހުށަހެޅި ކަމަށް ބެލެވޭ, ދިފާއީ ވަޒީރު, ކިމް ޔޮންގް-ހިޔުން ވަނީ އަންގާރަ ދުވަހުން ފެށިގެން ހައްޔަރުގައި ހުއްޓައި އަމިއްލައަށް މަރުވާން މަސައްކަތްކޮށްފައެވެ. ނަމަވެސް އޭނާގެ ޞިއްޙަތު ރަނގަޅުކަމަށް އިންސާފުގެ ވުޒާރާގެ އިސް ވެރިން ވަނީ ޕާލަމެންޓަށް އަށް އަންގާފައެވެ.
މާޝަލް ލޯ އިޢުލާން ކުރުމާއި ގުޅިގެން އުތުރު ކޮރެއާގެ މީޑިއާތަކުން ރައީސް ޔޫން ސިފަކުރަނީ "ފެސިސްޓް ޑިކްޓޭޓަރެއް" ގޮތުގައެވެ. އަދި އެއީ ރައީސް ޔޫން ކުރި ބުއްދި ފިލާފައިވާ މަސައްކަތެއްކަމަށް ބުނެފައިވެއެވެ.
މި ލިޔުން ކިޔާލުމުން
