ސިފައިންގެ ރެކްރޫޓުން ހުވާކުރުމާއި ބަޑި ހަވާލުކުރުމުގެ ރަސްމިއްޔާތު ބާއްވައިފިއެވެ.
ނޮވެންބަރު 18 ވަނަ ދުވަހު ބަންޑާރަކޮށީ އޮޑިޓޯރިއަމްގައި މިކަމަށްޓަކައި ބޭއްވި ރަސްމިއްޔާތު ޝަރަފުވެރިކޮށްދެއްވައި، ހުވާ ކުރި ސިފައިންނަށް ބަޑި ހަވާލުކޮށްދެއްވީ ރައީސުލްޖުމްހޫރިއްޔާ އަދި ސިފައިންގެ އެންމެމަތީ ވެރިޔާ، ޑރ. މުޙައްމަދު މުޢިއްޒެވެ. މި ރަސްމިއްޔާތުގައި ސިފައިންނަށް ހުވައިލައިދެއްވީ ސުޕްރީމް ކޯޓުގެ ފަނޑިޔާރު، ޑރ. މުޙައްމަދު އިބްރާހީމެވެ. އަދި، މި ފަރާތްތަކަށް ބަޑި ހަވާލުކުރާއިރު އަންގާ އެންގުން އިއްވަވައިދެއްވީ އެޖުޓަންޓް ޖެނެރަލް، ކާނަލް ޙުސައިން ޢަލީއެވެ.
ދިފާޢީ ވުޒާރާއިން ހާމަކޮށްފައިވާ ގޮތުގައި މި ރަސްމިއްޔާތަށް ފަހު، ރައީސް ޑރ. މުޢިއްޒު ވަނީ އެމް.އެން.ޑީ.އެފްގެ އިސް މަޤާމުތަކުގެ ސިފައިންނާ ބައްދަލުކުރައްވައިފައެވެ.
މި ރަސްމިއްޔާތުގައި ދިފާޢީ ވަޒީރު، އޮނަރަބަލް މުޙައްމަދު ޣައްސާން މައުމޫނާއި، ޗީފް އޮފް ޑިފެންސް ފޯސް، މޭޖަރ ޖެނެރަލް އިބްރާހީމް ޙިލްމީއާއި، ވައިސް ޗީފް އޮފް ޑިފެންސް ފޯސް، ބްރިގޭޑިއަރ ޖެނެރަލް އަޙްމަދު ޣިޔާޘްއާއި، ޖެނެރަލް އޮފިސަރުންނާއި، އެމް.އެން.ޑީ.އެފްގެ ސީނިއަރ އޮފިސަރުން ބައިވެރިވެ ވަޑައިގެންނެވިއެވެ.
މި ލިޔުން ކިޔާލުމުން
