އަހަރު ފާހަގަކުރާ 44 ވަނަ މަސްވެރިންގެ ދުވަހުގެ މުނާސަބަތުގައި ބާއްވާ އާޓް އެގްޒިބިޝަނަށް އާޓްވޯކް ހުށަހެޅުމުގެ މުއްދަތު މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން އިތުރުކޮށްފިއެވެ.
44 ވަނަ އަހަރުގެ މަސްވެރިންގެ ދުވަސް ފާހަގަ ކުރުމަށް މާލޭގައި އާޓް އެގްޒިބިޝަނެއް ބާއްވަން ނިންމާފައިވަނީ ޑިސެމްބަރު 12 އިން ފެށިގެން 14 އަށެވެ.
މިނިސްޓްރީން އިއްޔެ ކުރި އިއުލާނެއްގައި ބުނީ އާޓް އެގްޒިބިޝަނަށް އާޓްވޯކް ހުށަހެޅުމުގެ މުއްދަތު ނޮވެމްބަރު މަހުގެ 26 ވަނަ ދުވަހުގެ 14:00 ގެ ނިޔަލަށް މިހާރު އިތުރުކުރެވިފައިވާ ކަމަށެވެ.
މި އާޓް އެގްޒިބިޝަންގައި ބައިވެރިވާން ބޭނުންވާ ފަރާތްތައް ކަމާގުޅޭ ފޯމް https://forms.gle/WGtdvzT3zNKXLzFT7 ފުރިހަމަ ކުރެއްވުމަށްފަހު ސުންގަޑީގެ ކުރިން މި މިނިސްޓްރީއަށް ހުށަހެޅުއްވުމަށް ވަނީ އެދިފައެވެ.
މިނިސްޓްރީން ވަނީ މި އަހަރުގެ މަސްވެރިންގެ ދުވަސް ފާހަގަކުރުމަށް ގިނަ ހަރަކާތްތަކެއް ބާއްވަން ނިންމާފައެވެ.
މި ލިޔުން ކިޔާލުމުން
