ހއ. ތަކަންދޫގެ ފެނާއި ނަރުދަމާ މަޝްރޫޢުގެ މަސައްކަތް ނިމި، ރަށުގެ ރައްޔިތުންނަށް ޚިދުމަތް ދޭން ފަށައިފިއެވެ.
އިމާރާތްކުރުމާއި ބިނާރާބެހޭ ވުޒާރާއިން އެކްސްގައި ހިއްސާކުރެއްވި ޕޯސްޓެއްގައި ވަނީ މި މަޝްރޫޢުގެ ދަށުން ޤާއިމުކުރެވުނު ފެނާއި ނަރުދަމާ ނިޒާމު އެކީ ކޮމިޝަން ކުރެވިފައިވާ ކަމަށެވެ. މި މަޝްރޫޢުގެ ދަށުން ޤާއިމުކުރެވުނު ވަސީލަތްތަކުގެ ތެރޭގައި 47 ޓަނުގެ 2 އާރްއޯ ޕްލާންޓާއި، 60 ޓަނުގެ ވާރޭ ފެން ޕްލާންޓް ހިމެނެއެވެ. މީގެ އިތުރުން، 285 ޓަނުގެ ބޯފެން ރައްކާކުރާ 2 ޓޭންކާއި 953 ޓަނުގެ ވާރޭ ފެން ރައްކާކުރާނެ ޓޭންކެއްވެސް ވަނީ ޤާއިމުކުރެވިފައެވެ. އަދި 25 ކިލޯވޮޓްގެ ސޯލާ ޕެނަލް ސިސްޓަމަކާއި 3 ނަރުދަމާ ޕަންޕިންގ ސްޓޭޝަން ވެސް ވަނީ މި މަޝްރޫޢުގެ ދަށުން ޤާއިމުކޮށްފައެވެ.
މި މަޝްރޫޢަކީ ސަރުކާރުން ވަރަށް ހާއްސަ ސަމާލުކަމެއް ދެއްވައިގެން ރާއްޖެތެރޭގެ ރަށްރަށުގައި ކުރިއަށްގެންދާ ފެނާއި ނަރުދަމާ ޤާއިމުކުރުމުގެ މަޝްރޫޢުގެ ދަށުން ކުރިއަށްގެންދިޔަ ކާމިޔާބު މަޝްރޫޢެކެވެ. މި މަޝްރޫޢުގެ ސަބަބުން ތަކަންދޫގެ ގިނަ ރައްޔިތުންތަކަކަށް ރަނގަޅު ފެންވަރުގެ ފެނާއި ނަރުދަމާގެ ޚިދުމަތް ލިބިގެންދާނެއެވެ.
މި ލިޔުން ކިޔާލުމުން
