އުތުރު ކޮރެއާއިން ރަޝިއާގައި ތަމްރީނުކުރުމަށް 10،000 ސިފައިން ފޮނުވާފައިވާ ކަމަށް އެމެރިކާއިން ބުނެފި އެވެ.
ޕެންޓަގަންގެ ތަރުޖަމާނު ސަބްރީނާ ސިންގް ވިދާޅުވީ އުތުރު ކޮރެއާގެ 10،000 ސިފައިންގެ ތެރެއިން ބައެއް ސިފައިން ތަމްރީނުތަކަށް ރަޝިއާގެ އިރުމަތީ ސަރަހައްދުގައި ހަރަކާތްތެރިވަމުން އަންނަ ކަމަށެވެ. އަދި މިދިޔަ ހަފްތާގައި ގާތްގަނޑަކަށް 3000 އުތުރު ކޮރެއާގެ ސިފައިން ޔޫކްރޭން ބޯޑަރު ކައިރިއަށް އައިސްފައިވާ ކަމަށެވެ.
ނޭޓޯގެ ސެކްރެޓަރީ ޖެނެރަލް މާކް ރުޓޭ މީގެ ކުރިން ވިދާޅުވެފައިވަނީ އުތުރު ކޮރެއާ ސިފައިން ރަޝިޔާއަށް ގެނައުމަކީ ޔޫކްރެއިންގެ ހަމަނުޖެހުންތަކަށް އިތުރަށް ގޯސްވެ ހަނގުރާމަ އިތުރަށް ފުޅާވެގެންދާނެ ކަމެއް ކަމަށެވެ.
ރޫޓޭ ވިދާޅުވީ 2022 ވަނަ އަހަރު ހަނގުރާމަ ފެށި ފަހުން މިހާތަނަށް ރަޝިއާގެ ހަ ލައްކައަށް ވުރެ ގިނަ ސިފައިން މަރުވެ ނުވަތަ ޒަހަމްވެފައިވާ ކަމަށާއި ބޭރުގެ އެއްބާރުލުމާ ނުލައި ރަޝިޔާއަށް ހަނގުރާމާގައި ދެމިތިބެވޭނެ ގޮތެއް ނެތް ކަމަށެވެ.
އޮކްޓޯބަރު މަސް ފެށުނު ފަހުން ރަޝިޔާގެ އަސްކަރިއްޔާއިން ވަނީ ޔުކްރެއިންގެ ސަރަހައްދުން 478 އަކަކިލޯމީޓަރު (184 އަކަ މޭލު) ކުރިއަރާފައި ކަމަށާއި މިއީ ހަނގުރާމައިގެ ފުރަތަމަ ހަފުތާގެ ފަހުން ރެކޯޑެއް ކަމަށް އިންސްޓިޓިއުޓް ފޯ ދަ ސްޓަޑީ އޮފް ވޯގެ ޑޭޓާ އިން ދައްކަ އެވެ.
