ސަރުކާރުގެ އިޖުތިމާޢީ އާންމު އެހީތަކަށް އެދުމުގެ ކަންކަމުގައި އެހީތެރިކަން ފޯރުކޮށްދިނުމަށް ޚާއްސަ "ހެލްޕު ޑެސްކެއް" ޤާއިމުކޮށްފިއެވެ.
މިއަދު ފެށިގެން އެ ޑެސްކުން ޚިދުމަތް ލިބެމުންދާނެއެވެ.
މި "ހެލްޕް ޑެސްކް" ޤާއިމުކޮށްފައި ހުންނާނީ ހެންވޭރު ފެރީ ޓަރމިނަލްގެ އެންމެ ތިރީ ފަންގިފިލާގައެވެ. ސަރުކާރުން ބަންދު ދުވަސްތައް ފިޔަވާ އާދިއްތައިން ފެށިގެން ބުރާސްފަތި ދުވަހުގެ ހެނދުނު 08:30އިން ހަވީރު 04:00 އަށް އެޑެސްކުން ޚިދުމަތް ލިބޭނެކަމަށް އެންސްޕާއިން ވިދާޅުވެއެވެ.
As @NSPAmaldives services continue to be provided digitally through oneGov, a newly established NSPA Helpdesk is now available to support citizens who need additional guidance. pic.twitter.com/bUUqsmlMOc
— oneGov (@onegovmv) January 13, 2026
މި ހެލްޕް ޑެސްކް މެދުވެރިކޮށް، ނުކުޅެދުންތެރިކަން ހުންނަ ފަރާތްތަކަށް ދެމުންދާ އެލަވަންސްއާއި، އެކަނި ދަރިން ބަލަހައްޓާ މައިންނާއި ބަފައިންގެ އެލަވަންސާއި، ފޯސްޓަރކޮށްގެން ދަރިން ބަލާ ބެލެނިވެރިންގެ އެލަވަންސާއި، ކާބޯތަކެތި ހޯދުމަށް އެދި ހޯދާ އެލަވަންސާއި، ތެރަޕިއުޓިކް ޚިދުމަތްތަކަށްދޭ އެލަވަންސާއި، ތެލަސީމިއާ ހުންނަ ފަރާތްތަކަށް ދޭ އެލަވަންސާއި، އައިވީއެފް ފަރުވާއާއި ގުޅޭ ކަންކަމުގައި އެހީތެރިކަން ފޯރުކޮށްދިނުމަށްވަނީ ހަމަޖެހިފައެވެ. މިހެލްޕް ޑެސްކާއެކު ޑިޖިޓަލް ނިޒާމުގެ ތެރެއިން ސަރުކާރުން ރައްޔިތުންނަށް ދޭން ފަށާފައިވާ އިޖުތިމާޢީ އެހީތެރިކަމާއި ގުޅުންހުރި ޚިދުމަތްތައް އެންމެ ރަނގަޅުގޮތުގައި ލިބިގަނެވޭނެ މަގު ފަހިވެކޮށްދިނުމެވެ.
